കോട്ടയം : എന്എസ്എസിന്റെ കോളേജില് തന്നെ വനിതാ മതില് സംഘടിപ്പിച്ച് എസ്എഫ്ഐ. വനിതാ മതിലിന് അഭിവാദ്യമര്പ്പിച്ച് ചങ്ങനാശ്ശേരി പെരുന്ന എന്എസ്എസ് കോളേജിലെ വിദ്യാര്ത്ഥിനികളാണ് നവോത്ഥാന മൂല്യ സംരക്ഷണമതില് സംഘടിപ്പിച്ചത്. മാനേജ്മെന്റ് ഭീഷണികളെ അതിജീവിച്ചാണ് എസ്എഫ്ഐ നവോത്ഥാന മൂല്യ സംരക്ഷണ മതില് സംഘടിപ്പിച്ചത്.
പെരുന്നയിലെ സാമൂദായിക പ്രമാണിമാരുടെ ദ്രവിച്ച ആചാരങ്ങളൊടൊപ്പമല്ല, നവോത്ഥാനമൂല്യങ്ങള്ക്ക് ഒപ്പമാണ് വിദ്യാര്ത്ഥികള് എന്ന പ്രഖ്യാപനത്തോടെയായിരുന്നു വിദ്യാര്ത്ഥിനികളുടെ മതില്.
നവോത്ഥാന മൂല്യങ്ങളോട് പുറംതിരിഞ്ഞുനിന്ന്, ജനുവരി ഒന്നിന്റെ വനിതാ മതില് പൊളിക്കാന് കച്ചമുറുക്കിയ പെരുന്നയിലെ പ്രമാണിയുടെ മുന്പില് തന്നെ പെരുന്ന കോളേജിലെ വിദ്യാര്ത്ഥിനികളുടെ നവോത്ഥാന മൂല്യ സംരക്ഷണമതില് സംഘടിപ്പിച്ച് എന്എസ്എസിന്റെ ധാര്ഷ്ട്യത്തിന് തിരിച്ചടി നല്കിയിരിക്കുകയാണ് എസ്എഫ്ഐ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ