തിരുവനന്തപുരം: ഇന്റര്നെറ്റിലൂടെ കുട്ടികളുടെ അശ്ലീല ചിത്രങ്ങള് പ്രചരിപ്പിക്കുന്നത് തടയാന് നോഡല് സെല് രൂപീകരിച്ചു. കുട്ടികളുടെ അശ്ലീല ചിത്രങ്ങളും വീഡിയോകളുമടക്കം ഇന്റര്നെറ്റുവഴിയും മറ്റും പ്രചരിപ്പിക്കുന്ന പരാതികള് ഈ സെല്ലിന് നല്കാം. സ്ത്രീകള്ക്കും കുട്ടികള്ക്കുമെതിരെയുള്ള സൈബര് കുറ്റകൃത്യങ്ങള് തടയാന് സജ്ജമാക്കിയwww.cyberpolice.gov.in കേന്ദ്രീകൃത ഓണ്ലൈന് പോര്ട്ടല് വഴിയാണ് പരാതികള് നല്കേണ്ടത്.
സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും ഈ പോര്ട്ടലിലേക്ക് കണക്ടിവിറ്റി നല്കിയിട്ടുണ്ട്. സംസ്ഥാനം മുഴുവന് ഈ സെല്ലിന്റെ അധികാരപരിധിയിലാണ്. ക്രൈം റെക്കോഡ്സ് ബ്യൂറോ എ.ഡി.ജി.പി നോഡല് ഓഫീസറായിരിക്കും. പരാതികള് ഫോണിലൂടെ കൈമാറാന് 155260 എന്ന ഹെല്പ്പ്ലൈന് നമ്പര് പിന്നീട് നിലവില് വരും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ