കേരളം
കര്‍ണാടക മോഡല്‍ സഖ്യം വ്യാപിപ്പിക്കും; 2019ല്‍ അധികാരമല്ല, ബിജെപിയെ മാറ്റിനിര്‍ത്തലാകും ലക്ഷ്യം: കെ സി വേണുഗോപാല്‍
ബി.ജെ.പിയെ അധികാരത്തില്‍ നിന്നു അകറ്റാന്‍ കര്‍ണാടക മോഡല്‍ സഖ്യം മറ്റിടങ്ങളിലും രൂപീകരിക്കുമെന്ന് കോണ്‍ഗ്രസ്
ബംഗലൂരു: ബി.ജെ.പിയെ അധികാരത്തില്‍ നിന്നു അകറ്റാന്‍ കര്‍ണാടക മോഡല്‍ സഖ്യം മറ്റിടങ്ങളിലും രൂപീകരിക്കുമെന്ന് കോണ്‍ഗ്രസ്. 2019ല്‍ അധികാരമല്ല, ബിജെപിയെ മാറ്റിനിര്‍ത്തലാകും വലിയ ലക്ഷ്യമെന്ന് എ.ഐ.സി.സി. ജനറല്‍ സെക്രട്ടറി കെ.സി.വേണുഗോപാല്‍ മനോരമയോട് പറഞ്ഞു.
ബിജെപിയെ അധികാരത്തില്‍ നിന്നും അകറ്റി നിര്‍ത്താന്‍ വിട്ടുവീഴ്ച മനോഭാവത്തോടെ മറ്റു രാഷ്ട്രീയകക്ഷികളുമായി കൈകോര്‍ക്കും. പൊതുമിനിമം പരിപാടിയുടെ അടിസ്ഥാനത്തിലാകും കര്‍ണാടകയിലെ ഭരണമെന്നും കെ.സിവേണുഗോപാല്‍ പറഞ്ഞു.
കര്‍ണാടക മുഖ്യമന്ത്രിയായി എച്ച് ഡി കുമാരസ്വാമി ബുധനാഴ്ച സത്യപ്രതിജ്ഞ ചെയ്യും. ഇന്നലെ രാത്രി ചേര്‍ന്ന ജെഡിഎസ് കോണ്‍ഗ്രസ് സംയുക്ത പാര്‍ലമെന്ററി പാര്‍ട്ടി യോഗത്തിലാണ് തീരുമാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
