തിരുവനന്തപുരം: ശബരിമല സ്ത്രീപ്രവേശന വിവാദവും തുടര്സംഭവങ്ങളുമായി ബന്ധപ്പെട്ട് സമൂഹമാധ്യമങ്ങളിലൂടെ വിദ്വേഷ സന്ദേശങ്ങള് പ്രചരിപ്പിക്കുന്നവര്ക്ക് പൊലീസിന്റെ മുന്നറിയിപ്പ്. കലാപമുണ്ടാക്കുക എന്ന ഉദ്ദേശത്തോടെ സമൂഹമാധ്യമങ്ങളില് കൂടി വോയ്സ് മെസേജുകളും തെറ്റായ ഉള്ളടക്കത്തോടെയുള്ള പോസ്റ്റുകളും പ്രചരിപ്പിക്കുന്നവര്ക്കെതിരെ ജാമ്യമില്ലാ വകുപ്പുകള് പ്രകാരം കേസെടുക്കുമെന്നാണ് പൊലീസ് മുന്നറിയിപ്പ് നല്കുന്നത്.
തിരുവനന്തപുരം സിറ്റി പൊലീസ് കമ്മീഷണറുടെ പേരിലാണ് മുന്നറിയിപ്പ്. ഇത് സിറ്റി പൊലീസിന്റെ ഫേസ്ബുക്ക് പേജില് പോസ്റ്റ് ചെയ്തിട്ടുമുണ്ട്. വിദേശരാജ്യങ്ങളില് നിന്ന് ഇത്തരം സന്ദേശങ്ങള് പ്രചരിപ്പിക്കുന്നവരുടെ ഫേസ്ബുക്ക് വിവരങ്ങള് ശേഖരിച്ചിട്ടുണ്ടെന്നും ഇവരുടെ പാസ്പോര്ട്ട് റദ്ദാക്കി തിരികെ നാട്ടിലേക്കെത്തിക്കുന്നതിനുള്ള നടപടികള് സ്വീകരിച്ചിട്ടുണ്ടെന്നും മുന്നറിയിപ്പില് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ