തിരുവനന്തപുരം: സംസ്ഥാനത്തെ പൊതുമരാമത്ത് റോഡുകളിലെ ടോള്‍ പിരിവ് പൂര്‍ണമായും നിര്‍ത്തലാക്കി. 14 റോഡുകളിലെ ടോള്‍ പിരിവ് നിര്‍ത്താന്‍ മന്ത്രിസഭാ യോഗം തീരുമാനിച്ചു. എല്‍ഡിഎഫ് സര്‍ക്കാര്‍ അധികാരത്തില്‍ വന്ന ഉടനെ പൊതുമരാമത്ത് റോഡുകളിലെ ടോള്‍ പിരിവ് നിര്‍ത്തുമെന്ന് മന്ത്രി.ജി.സുധാകരന്‍ പറഞ്ഞിരുന്നു.
ആദ്യഘട്ടമെന്ന നിലയില്‍ ആറ് റോഡുകളിലെ ടോള്‍ പിരിവ് നിര്‍ത്തിയിരുന്നു. പിന്നീട് 14 എണ്ണമാണ് അവശേഷിച്ചിരുന്നത്. അവയിലെ ടോള്‍ പിരിവ് കൂടി നിര്‍ത്താന്‍ ഇന്ന് ചേര്‍ന്ന മന്ത്രിസഭാ യോഗം തീരുമാനിക്കുകയായിരുന്നു.ഇനി സംസ്ഥാനത്ത് ദേശീയ പാതകളില്‍ മാത്രമെ ടോള്‍ പിരിവ് ഉണ്ടാവുകയുളളൂ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
