കോവളം: ഭാര്യയും മൂന്ന് മക്കളുമുള്ള കാമുകനൊപ്പം പോയ യുവതിയോട് തിരികെ ഭര്ത്താവിനും കുട്ടികള്ക്കും ഒപ്പം പോകണം എന്ന് ജഡ്ജി നിര്ദേശിക്കവെ കോടതിയില് ബോധംകെട്ട് വീണ് യുവതി. കോവളത്തായിരുന്നു സംഭവം.
ഫെയ്സ്ബുക്കിലൂടെ പരിചയപ്പെട്ട വ്യക്തിക്കൊപ്പമായിരുന്നു യുവതി ഒളിച്ചോടി പോയത്. പൊലീസ് അന്വേഷണത്തില് യുവതി കാമുകനൊപ്പം കോഴിക്കോട്ടും, കോയമ്പത്തൂരിലും പോയതായി വിവരം കിട്ടി. യുവതിയെ കണ്ടെത്തി കോടതിയില് എത്തിച്ചപ്പോഴായിരുന്നു പൊലീസിന് പൊല്ലാപ്പായത്.
ഭാര്യയും മൂന്ന് മക്കളുമുള്ള കാമുകനൊപ്പം വിടാനാവില്ലെന്ന് കോടതി പറഞ്ഞു. ഭര്ത്താവിനൊപ്പം പോകണം എന്ന ജഡ്ജി യുവതിയോട് നിര്ദേശിച്ചപ്പോഴായിരുന്നു ചേംബറില് യുവതി കുഴഞ്ഞു വീണത്. കുഴഞ്ഞു വീണ ഉടനെ യുവതിയെ ആശുപത്രിയില് എത്തിച്ചു.
ഡ്രിപ് തീരുന്നത് വരെ വനിതാ പൊലീസുകാര് ഉള്പ്പെടെയുള്ളവരുടെ കാവല്. കൗണ്സിലിങ്ങിലൂടെ അനുനയിപ്പിക്കാന് ശ്രമിച്ചുവെങ്കിലും ഭര്ത്താവിനൊപ്പം പോവില്ലെന്ന നിലപാടില് യുവതി ഉറച്ചു നിന്നു. എന്നാല് ഒടുവില് മാതാവിനൊപ്പം പോകാമെന്ന നിലപാടിലേക്ക് യുവതി എത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ