തിരുവനന്തപുരം: ബിജെപി സംസ്ഥാന നേതൃത്വത്തെ പിടിച്ചുകുലുക്കിയ മെഡിക്കല്‍ കോഴ ആരോപണം ക്രൈംബ്രാഞ്ച് അന്വേഷിക്കും. പ്രതിപക്ഷ നേതാവ് രമേശ് ചെന്നിത്തലയുടെ കത്തിന്റെ അടിസ്ഥാനത്തിലാണ് അന്വേഷണം. ക്രൈംബ്രാഞ്ച് സംഘം രമേശ് ചെന്നിത്തലയില്‍ നിന്നും മൊഴി രേഖപ്പെടുത്തി.
കേരളത്തിലെ ബിജെപി നേതാക്കള്‍ ഉള്‍പ്പെട്ട മെഡിക്കല്‍ കോളജ് അഴിമതിക്കേസില്‍ അന്വേഷണത്തിനു നടപടി സ്വീകരിക്കണമെന്ന് ആവശ്യപ്പെട്ടു പ്രതിപക്ഷ നേതാവ് രമേശ് ചെന്നിത്തല നേരത്തെ മുഖ്യമന്ത്രി പിണറായി വിജയനു കത്തു നല്‍കിയിരുന്നു. ഹവാല ഇടപാടുവഴിയാണു ഡല്‍ഹിയില്‍ കോഴപ്പണം എത്തിച്ചതെന്നാണു ബിജെപിയുടെ ഉള്‍പ്പാര്‍ട്ടി അന്വേഷണ കമ്മിഷന്‍ കണ്ടെത്തിയിരിക്കുന്നത്. ഈ പശ്ചാത്തലത്തില്‍ സിബിഐയെപ്പോലുള്ള ദേശീയ ഏജന്‍സിതന്നെ അന്വേഷിച്ചാലേ മുഴുവന്‍ വസ്തുതകളും വെളിച്ചത്തു കൊണ്ടുവരാനാവൂ എന്നു ചെന്നിത്തല അഭിപ്രായപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
