കൊച്ചി : അന്തരിച്ച എഴുത്തുകാരനും മുന് അഡീഷണല് ചീഫ് സെക്രട്ടറിയുമായ ഡി.ബാബുപോളിന്റെ സംസ്കാരം ഇന്ന് നടക്കും. ജന്മനാടായ പെരുമ്പാവൂര് കുറുപ്പംപടിയിലെ സെന്റ് മേരീസ് കത്തീഡ്രലിലാണ് സംസ്കാരച്ചടങ്ങുകള്.
ഇന്നലെ കവടിയാറുള്ള വീട്ടില് പൊതുദര്ശനത്തിന് വച്ച ഭൗതിക ശരീരത്തില് മുഖ്യമന്ത്രി പിണറായി വിജയന്, മുന് മുഖ്യമന്ത്രി ഉമ്മന്ചാണ്ടി, മന്ത്രി കടകംപള്ളി സുരേന്ദ്രന്, കെ രാജു, ബിജെപി സംസ്ഥാന അധ്യക്ഷന് പി എസ് ശ്രീധരന്പിള്ള തുടങ്ങി നിരവധിപ്പേര് അന്തിമോപചാരം അര്പ്പിച്ചു.
രണ്ടാഴ്ച മുന്പ് വരെ പൊതുവേദികളില് സജീവമായിരുന്ന അദ്ദേഹം പ്രമേഹം ആന്തരിക അവയവങ്ങളെ ബാധിച്ചതിനെ തുടര്ന്ന് ചികിത്സയിലായിരുന്നു. ഹൃദയാഘാതത്തെ തുടര്ന്ന് തിരുവനന്തപുരത്തെ സ്വകാര്യ ആശുപത്രിയില് ഇന്നലെ പുലര്ച്ചെയായിരുന്നു അന്ത്യം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ