കേരളത്തില് തെരഞ്ഞൈടുപ്പ് പ്രചാരണം അവസാനഘട്ടത്തിലേക്ക് കടക്കുകയാണ്. സംസ്ഥാനത്തിന്റെ രാഷ്ട്രീയ അന്തരീക്ഷം ഒന്നടങ്കം തെരഞ്ഞെടുപ്പ് ചൂടിലാണ്. വോട്ടുറപ്പിക്കാന് എല്ലാ തന്ത്രങ്ങളും പയറ്റിയാണ് സ്ഥാനാര്ത്ഥികള് മുന്നേറുന്നത്. ഇത്തരം തെരഞ്ഞെടുപ്പ് കാഴ്ചകള്ക്കിടയില് വീണ്ടും സോഷ്യല്മീഡിയയുടെ കയ്യടി നേടിയിരിക്കുകയാണ് തൃശൂര് കലക്ടര് ടി വി അനുപമ. പൊലീസുകാര്ക്കൊപ്പം വോട്ടിങ് സാമഗ്രികള് അടങ്ങുന്ന ഭാരമേറിയ പെട്ടി അനുപമ ചുമന്ന് ഓഫീസിലേക്ക് കൊണ്ടുവെയ്ക്കുന്ന വിഡിയോ വൈറലാകുകയാണ്. കലക്ടറുടെ പ്രവൃത്തി കണ്ട് നിരവധി പേരാണ് അഭിനന്ദനവുമായി എത്തിയിരിക്കുന്നത്.
പ്രളയകാലത്തും ലാളിത്യം കൊണ്ടും ജനസേവനം കൊണ്ടും ജനങ്ങളുടെ മനസില് ഇടംനേടാന് അനുപമയ്ക്ക് സാധിച്ചിട്ടുണ്ട്. ഇപ്പോഴിതാ വീണ്ടും ഒരു ലാളിത്യത്തിന്റെ നേര്ക്കാഴ്ച വൈറലാകുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ