കോട്ടയം: കനത്ത മഴയിൽ മൂവാറ്റുപുഴയാർ കരകവിഞ്ഞതിനെത്തുടർന്ന് വൈക്കം- തലയോലപ്പറമ്പ് റോഡിൽ വെള്ളം കയറി. ഇളങ്കാവ് ദേവീ ക്ഷേത്രം വെള്ളത്തിൽ മുങ്ങിയ നിലയിലാണ്. ആറിനു തീരത്തുള്ള വീടുകളിലും വെള്ളം കയറിയിട്ടുണ്ടെന്നാണ് റിപ്പോർട്ടുകൾ.
വൈകിട്ടോടെ മഴ ശക്തമായി പെയ്യാൻ തുടങ്ങിയതിനു പിന്നാലെയാണ് മൂവാറ്റുപുഴയാർ കരകവിഞ്ഞത്. വൈകിട്ട് ഏഴരയോടെയാണ് റോഡിൽ വെള്ളം കയറി തുടങ്ങിയത്. കുമരകത്തും ജലനിരപ്പ് ഉയർന്നിട്ടുണ്ട്. കോട്ടയം– ചേർത്തല റോഡിലും വെള്ളം കയറിത്തുടങ്ങി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
