കൊച്ചി; നാക് അക്രഡിറ്റേഷനില് ഇന്ത്യയില് രണ്ടാം സ്ഥാനം നേടി സെന്റ് തെരേസാസ് കൊളെജ്. നാക്കിന്റെ പരിഷ്കരിച്ച വ്യവസ്ഥകള് പ്രകാരമുള്ള നാലാംഘട്ട മൂല്യ നിര്ണയത്തില് എ പ്ലസ് പ്ലസ് ഗ്രേഡാണ് കൊളെജ് സ്വന്തമാക്കിയത്. ഇതോടെ ഈ നേട്ടം കൈവരിക്കുന്ന സംസ്ഥാനത്തിലെ ആദ്യ കൊളെജായിരിക്കുകയാണ് സെന്റ് തെരേസാസ്.
നാലാംഘട്ട മൂല്യ നിര്ണയത്തില് സിജിപിഎ 3.57 സ്കോറോടെയാണ് എ പ്ലസ് പ്ലസ് ഗ്രേഡ് സ്വന്തമാക്കിയത്. ഇത്രയും ഉയര്ന്ന ഗ്രേഡ് നേടുന്ന സംസ്ഥാനത്തെ ആദ്യത്തേയും രാജ്യത്തെ രണ്ടാമത്തെ കൊളെജാണ് . 1999 ല് കൊളെജിന് അക്രഡിറ്റേഷനില് ഫൈവ് സ്ഥാര് ഗ്രൈഡ് ലഭിച്ചിട്ടുണ്ട്. 2006 ലെ പുനഃര്മൂല്യനിര്ണയത്തില് എ ഗ്രേഡും 2012 ലെ മൂന്നാം ഘട്ടത്തില് എ ഗ്രേഡും 3.4 സിജിപിഎയും സ്വന്തമാക്കി. മൂല്യ നിര്ണയത്തില് മികച്ച ഗ്രേഡ് നേടിയതിനുള്ള അംഗീകാരമായി കൊളെജിന് ഇപ്പോള് ലഭിച്ച അക്രഡിറ്റേഷന്റെ കാലാവധി രണ്ട് വര്ഷമായി ഉയര്ത്തി.
വനിതാ സര്വകലാശാലാ എന്ന ലക്ഷ്യത്തിലേക്കുള്ള കോളേജിന്റെ ആദ്യ ചുവടുവയ്പാണ് ഈ നേട്ടമെന്ന് പ്രിന്സിപ്പല് ഡോ. സജിമോള് അഗസ്റ്റിന് വാര്ത്താസമ്മേളനത്തില് പറഞ്ഞു. 1925ല് 41 വിദ്യാര്ഥികളുമായി തുടങ്ങിയ സെന്റ് തെരേസാസില് ഇന്ന് 3500ലേറെ വിദ്യാര്ഥികളുണ്ട്. 2014 മുതല് സ്വയംഭരണ കോളേജാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ