കോട്ടയം: കോട്ടയം മെഡിക്കല് കോളേജ് ആശുപത്രിയില് എത്തിച്ച രോഗി ചികിത്സ കിട്ടാതെ മരിച്ചു. ഇടുക്കി സ്വരാജ് സ്വദേശി ജേക്കബ് തോമസാണ് മരിച്ചത്. ആംബുലന്സില് കിടന്നാണ് മരണം.
കട്ടപ്പനയിലെ സെന്റ് ജോണ്സ് ആശുപത്രിയില് നിന്നാണ് രോഗിയെ കോട്ടയം മെഡിക്കല് കോളെജിലേക്ക് കൊണ്ടുവന്നത്. ഉച്ചയ്ക്ക് 2:10ഓടെ ആശുപത്രിയിലെത്തിച്ചെങ്കിലും കിടക്കയും വെന്റിലേറ്റര് സൗകര്യവും ഇല്ലെന്നുപറഞ്ഞ് ആശുപത്രി അധികൃതര് കൈയ്യൊഴിയുകയായിരുന്നെന്ന് ബന്ധുക്കള് ആരോപിച്ചു. പിന്നീട് രണ്ട് സ്വകാര്യ ആശുപത്രികളില് എത്തിച്ചെങ്കിലും അവിടെയും ചികിത്സ നിഷേധിക്കുകയായിരുന്നെന്ന് ബന്ധുക്കള് പറഞ്ഞു. മരണം സ്ഥിരീകരിക്കാന് പോലും ഡോക്ടര്മാര് എത്തിയില്ലെന്നും മകള് ആരോപിച്ചു.
രണ്ടുദിവസമായി കടുത്ത പനിയായിരുന്ന രോഗിക്ക് ഇന്ന് രാവിലെ മുതല് ശ്വാസതടസ്സം നേരിട്ടതിനെത്തുടര്ന്നാണ് മെഡിക്കല് കോളെജിലേക്ക് എത്തിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ