തിരുവനന്തപുരം : ലോഡിങിനിടെയുണ്ടായ വാക്കുതർക്കത്തെ തുടർന്ന് ഗൃഹനാഥൻ കുത്തേറ്റ് മരിച്ചു. കുതിരപ്പാലം സ്വദേശി രാധാകൃഷ്ണപിള്ള (54) ആണ് മരിച്ചത്. ഇന്നലെ രാത്രിയോടെയായിരുന്നു സംഭവം. ബഹളത്തിനിടയിൽ തടസ്സംപിടിക്കാനെത്തിയ ഭാര്യ പുഷ്പയ്ക്കും കുത്തേറ്റു. ഇവരെ തിരുവനന്തപുരം മെഡിക്കൽ കോളെജ് ആശുപത്രിയിൽ പ്രവേശിപ്പിച്ചിട്ടുണ്ട്.
ജോലിക്കിടയിൽ രാധകൃഷ്ണപിള്ളയും മറ്റ് ചിലരുമായി തർക്കമുണ്ടായിരുന്നു. സന്ധ്യയോടെ ചിലർ വീടിന് സമീപത്തേക്ക് എത്തുകയും വീണ്ടും വാക്കുതർക്കം രൂക്ഷമാവുകയുമായിരുന്നു. രാധാകൃഷ്ണപിള്ളയുടെ വയറിലാണ് കുത്തേറ്റത്. വാഹനം ലഭിക്കാതിരുന്നതിനെ തുടർന്ന് ഇയാളെ ആശുപത്രിയിൽ എത്തിക്കാനും വൈകി. ഇത് ജീവൻ രക്ഷിക്കുന്നതിന് തടസ്സമായെന്ന് ആശുപത്രി അധികൃതർ വ്യക്തമാക്കി. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ