കോട്ടയ്ക്കല്‍: ആള്‍ക്കൂട്ട ആക്രമണത്തിന് ഇരയായതില്‍ മനംനൊന്ത് വിഷം കഴിച്ച യുവാവ് മരിച്ചു. പുതുപ്പറമ്പ് പൊട്ടിയില്‍ വീട്ടില്‍ ഹൈദരാലിയുടെ മകന്‍ ഷാഹിര്‍(22) ആണ് മരിച്ചത്. ഞായറാഴ്ച രാത്രിയാണ് ഷാഹിനെ സുഹൃത്തായ പെണ്‍കുട്ടിയുടെ ബന്ധുക്കള്‍ ചേര്‍ന്ന് മര്‍ദ്ദിച്ചത്.
ഞായറാഴ്ച രാത്രി ബൈക്കില്‍ പോവുകയായിരുന്നു ഷാഹിറിനെ ഈ പെണ്‍കുട്ടിയുടെ ബന്ധുക്കള്‍ ആക്രമിക്കുകയായിരുന്നു. മകനെ മര്‍ദിക്കുന്നു എന്ന വിവരം അറിഞ്ഞതോടെ ഷാഹിറിന്റെ അമ്മയും അനുജനും ഇവിടേക്കെത്തി. എന്നാല്‍ ഇവരേയും പെണ്‍കുട്ടിയുടെ ബന്ധുക്കള്‍ മര്‍ദിച്ചു.
രണ്ട് 9 മണി മുതല്‍ 12 മണി വരെ മര്‍ദനം തുടര്‍ന്നതായാണ് പരാതി. മര്‍ദ്ദനമേറ്റ് വീട്ടിലേക്ക് എത്തിയതിന് പിന്നാലെ ഷാഹിര്‍ വിഷം കഴിക്കുകയായിരുന്നു. വെന്റിലേറ്ററിന്റെ സഹായത്തോടെ ജീവന്‍ നിലനിര്‍ത്തിയിരുന്ന ഷാഹിര്‍ ചൊവ്വാഴ്ച പുലര്‍ച്ചെ ഒരു മണിയോടെ മരിച്ചു. ഷഹീറിന്റെ സഹോദരന്‍ ഷിബിലിന്റെ പരാതിയില്‍ കണ്ടാലറിയാവുന്ന 15 പേര്‍ക്കെതിരെ പൊലീസ് കേസെടുത്തിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
