പാലക്കാട്:; മാവോയിസ്റ്റുകളുടെ പ്രധാന ഭക്ഷണം മാനിറച്ചി. മഞ്ചക്കട്ടിയിലെ മാവോവാദി ക്യാമ്പില് നിന്നാണ് പൊലീസ് മാനിറച്ചി കണ്ടെടുത്തത്. ചോറും ചമ്മന്തിയും മാനിറച്ചിയുമാണ് ഭക്ഷണമായി ക്യാമ്പില് നിന്ന് കണ്ടെത്തിയത്. പാചകം ചെയ്ത പാത്രത്തില് അടച്ച നിലയിലായിരുന്നു ഭക്ഷണം.
പാചകം ചെയ്ത നിലയിലും പച്ച ഇറച്ചി കേടാവാതെ സൂക്ഷിച്ച നിലയിലുമാണ് മാനിറച്ചി കണ്ടെടുത്തത്. സമീപ പ്രദേശത്ത് നടത്തിയ പരിശോധനയില് മാനിന്റെ തൊലിയടക്കമുള്ള അവശിഷ്ടങ്ങളും കണ്ടെത്തി.
മാനിറച്ചിയിലെ മാംസം മാത്രം അടങ്ങിയ ഭാഗം വറുത്ത നിലയിലും എല്ലോടു കൂടിയ ഭാഗം സൂപ്പാക്കിയ നിലയിലുമായിരുന്നു. പാചകം ചെയ്യാത്ത മാനിറച്ചി മാവോവാദി ക്യാമ്പിന് സമീപമുള്ള ചോലയില് നിന്നാണ് ലഭിച്ചത്. കേടുവരാതിരിക്കാന് ചാക്കില് കെട്ടി ചോലയിലെ വെള്ളത്തിലിട്ട നിലയിലായിരുന്നു ഇറച്ചി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ