കൊച്ചി: ഹൃദ്രോഗ ചികിത്സയെത്തുടർന്നു വിശ്രമത്തിലായിരുന്ന ചാലക്കുടി ലോക്സഭാ മണ്ഡലത്തിലെ യുഡിഎഫ് സ്ഥാനാർഥി ബെന്നി ബഹനാൻ ഇന്നു മുതൽ പ്രചാരണത്തിൽ സജീവമാകും. ഒന്നരയാഴ്ചത്തെ വിശ്രമത്തിനുശേഷമാണു വീണ്ടും പ്രചാരണത്തിനിറങ്ങുന്നത്. വൈകുന്നേരം അഞ്ചിന് പുത്തൻകുരിശിൽ നടക്കുന്ന പൊതുസമ്മേളനത്തിൽ കോണ്ഗ്രസ് പ്രവർത്തകസമിതി അംഗം എ കെ ആന്‍റണിക്കൊപ്പം ബെന്നി ബഹനാൻ പങ്കെടുക്കും.
വരുംദിവസങ്ങളിൽ എല്ലാ മണ്ഡലങ്ങളിലും റോഡ്ഷോകൾ നടത്തും. ഉമ്മൻചാണ്ടിയും രമേശ് ചെന്നിത്തലയും അടക്കമുള്ള നേതാക്കളും റോഡ്ഷോകളുമായി മണ്ഡലത്തിൽ സജീവമാകും. സ്ഥാനാർഥിയുടെ അഭാവത്തിൽ എംഎൽഎമാരായ വി പി സജീന്ദ്രൻ, അൻവർ സാദത്ത്, എൽദോസ് കുന്നപ്പിള്ളി, റോജി എം ജോണ് എന്നിവർ നടത്തിവന്ന പ്രചാരണ പരിപാടികൾ അന്തിമഘട്ടത്തിലേക്ക് കടന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
