തിരുവനന്തപുരം: മുതിര്ന്ന ബിജെപി നേതാവും മുന് വിദേശകാര്യമന്ത്രിയുമായ സുഷമ സ്വരാജിന്റെ വിയോഗത്തില് അനുശോചിച്ച് മുന് മുഖ്യമന്ത്രി ഉമ്മന് ചാണ്ടി. സുഷമ സ്വരാജ് സംസ്ഥാനത്തിന് വേണ്ടി ചെയ്തിട്ടുള്ള വലിയ കാര്യങ്ങള് എക്കാലവും കേരളം സ്മരിക്കുമെന്നും അദ്ദേഹം പറഞ്ഞു.
'ഇറാഖില് കുടുങ്ങിയ നഴ്സുമാരെ കൊണ്ടുവരാന് കേരളം സഹായമഭ്യര്ത്ഥിച്ചപ്പോള് അവര് കാണിച്ച ആത്മാര്ത്ഥയോടുകൂടിയ പ്രവര്ത്തനങ്ങള് ഇന്നും ഓര്ക്കുന്നു. ഒരു ബുദ്ധിമുട്ടും കൂടാതെ നഴ്സുമാരെ തിരിച്ച് ഇവിടെ കൊണ്ടുവരുന്നതിന് അവരെടുത്ത പ്രയത്നം താന് നേരിട്ട് കണ്ടിട്ടുണ്ട്.
കക്ഷി രാഷ്ട്രീയതിന് അതീതമായി ജനങ്ങളെ കാണാനും പ്രശ്നങ്ങള് മനസ്സിലാക്കാനും പരിഹാരം ഉണ്ടാക്കാനും ശ്രമിച്ച പൊതുപ്രവര്ത്തകയാണ് സുഷമ സ്വരാജ്'- ഉമ്മന് ചാണ്ടി വ്യക്തമാക്കി.
ഹൃദയാഘാതെ തുടര്ന്ന് ചൊവ്വാഴ്ച രാത്രിയാണ് സുഷമ സ്വരാജിനെ ഡല്ഹി എയിംസ് ആശുപത്രിയില് പ്രവേശിപ്പിച്ചത്. കുറച്ച് നാളായി ആരോഗ്യ നില തൃപ്തികരമല്ലായിരുന്നു. 2016ല് സുഷമ വൃക്കമാറ്റല് ശസ്ത്രക്രിയയ്ക്ക് വിധേയയായിരുന്നു. ആരോഗ്യാവസ്ഥ മോശമായതിനാലാണ് 2019ലെ തെരഞ്ഞെടുപ്പില് നിന്നും സുഷമ വിട്ടുനിന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ