തിരുവനന്തപുരം: മദ്യപിച്ച് വാഹാനമോടിച്ച് ഉണ്ടായ അപകടത്തില് മാധ്യമപ്രവര്ത്തകന് കെഎം ബഷീര് കൊല്ലപ്പെട്ട കേസില് ശ്രീറാം വെങ്കിട്ടരാമന് ഐഎഎസിന് ഒപ്പമുണ്ടായിരുന്ന വഫ ഫിറോസിന്റെ ഡ്രൈവിങ് ലൈസന്സ് ഇപ്പോള് സസ്പെന്റ് ചെയ്യില്ല. അമിത വേഗത്തിന് നോട്ടീസ് അയച്ചപ്പോള് വഫ പിഴയടച്ചിരുന്നുവെന്നും വീണ്ടും നോട്ടീസ് അയച്ച ശേഷം തുടര് നടപടികള് സ്വീകരിക്കുമെന്നും മോട്ടോര് വാഹന വകുപ്പ് വ്യക്തമാക്കി. പിഴ അടച്ചത് കുറ്റകൃത്യം അംഗീകരിച്ചതിന് തുല്യമാണെന്നും മോട്ടോര് വാഹനവകുപ്പ് വ്യക്തമാക്കി.
അതേസമയം കേസിലെ ഒന്നാംപ്രതി ശ്രീറാം വെങ്കിട്ടരാമന്റെ ലൈസന്സ് സസ്പെന്റ് ചെയ്യും. നോട്ടീസ് കൈപ്പറ്റി രണ്ടാഴ്ച കഴിഞ്ഞിട്ടും ശ്രീറാം മറുപടി നല്കാത്ത സാഹചരര്യത്തിലാണ് ലൈസന്സ് സസ്പെന്റ് ചെയ്യുന്നത്.
നേരത്തെ അപകടം നടന്ന് ദിവസങ്ങള് കഴിഞ്ഞിട്ടും ശ്രീറാമിന്റെയും വഫയുടെയും ലൈസന്സ് സസ്പെന്റ് ചെയ്തില്ല എന്ന് വാര്ത്തകള് വന്നിരുന്നു. നിയമനടപടി പൂര്ത്തിയാക്കേണ്ട കാലതാമസം മാത്രമാണ് സംഭവിച്ചതെന്നാണ് മോട്ടോര് വാഹനവകുപ്പിന്റെ വിശദീകരണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ