കോഴിക്കോട്: പാർലമെന്റ് പാസ്സാക്കിയ ദേശീയ പൗരത്വ ബില്ലിനെതിരെ നടി പാർവതി തിരുവോത്ത് രംഗത്ത്. ട്വീറ്റിലൂടെയായിരുന്നു പാർവതിയുടെ പ്രതികരണം.
‘‘നട്ടെല്ലിലൂടെ ഭയം കയറുന്നുണ്ട്. നമ്മൾ ഇത് സംഭവിക്കാൻ അനുവദിക്കരുത്. പാടില്ല’’ -പാർവതി ട്വീറ്റ് ചെയ്തു. രാജ്യസഭയിൽ ബിൽ പാസായ ശേഷമായിരുന്നു പാർവതിയുടെ അഭിപ്രായപ്രകടനം.
ലോക്സഭ പാസ്സാക്കിയ പൗരത്വം ഭേദഗതി ബിൽ ഇന്നലെ രാജ്യസഭയിലും വിജയിച്ചു. 125 പേരുടെ പിന്തുണയോടെയാണ് പൗരത്വ ഭേദഗതി ബിൽ രാജ്യസഭ പാസാക്കിയത്. എതിർത്തത് 105 പേർ. ശിവസേന വോട്ടെടുപ്പ് ബഹിഷ്കരിച്ചു. രാഷ്ട്രപതി ഒപ്പു വയ്ക്കുന്നതോടെ നിയമം പ്രാബല്യത്തിൽ വരും. അതേസമയം ബില്ലിനെതിരെ വടക്കു കിഴക്കൻ സംസ്ഥാനങ്ങളിൽ വ്യാപക പ്രതിഷേധം പടരുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ