തിരുവനന്തപുരം; കാസര്‍കോട് പെരിയയില്‍ രണ്ട് യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊലപ്പെടുത്തിയ സംഭവം പാര്‍ട്ടിയെ ബാധിക്കില്ലെന്ന് മന്ത്രി എംഎം മണി. വരുന്ന ലോക്‌സഭാ തെരഞ്ഞെടുപ്പില്‍ കൊലപാതകം വിഷയമാകില്ലെന്നാണ് മന്ത്രി പറയുന്നത്. കോണ്‍ഗ്രസ് നല്ല പിള്ള ചമയണ്ടെന്നും ആയിരം സഖാക്കന്മാരെ കൊന്നവരാണ് കോണ്‍ഗ്രസുകാരെന്നും മന്ത്രി തുറന്നടിച്ചു. രാഷ്ട്രീയ കൊലപാതകം സിപിഎമ്മിന്റെ കുലത്തൊഴില്‍ എന്നൊന്നും പറയേണ്ടെന്നും മണി കൂട്ടിച്ചേര്‍ത്തു.
കാസര്‍കോട് ഇരട്ടക്കൊലപാതകത്തിന് ശേഷം സിപിഎമ്മിന്റെ അക്രമരാഷ്ട്രീയത്തിനെതിരേ രൂക്ഷ വിമര്‍ശനമാണ് ഉയരുന്നത്. സിപിഎം ലോക്കല്‍ കമ്മിറ്റി അംഗം ഉള്‍പ്പടെയുള്ളവരാണ് കൊലപാതകത്തില്‍ അറസ്റ്റിലായത്. കൊലപാതകങ്ങളില്‍ പാര്‍ട്ടിക്ക് ബന്ധമുണ്ടെന്നാണ് ആക്ഷേപം. ദിവസങ്ങള്‍ക്ക് മുന്‍പാണ് കൃപേഷ്, ശരത്ത് എന്നീ യൂത്ത് കോണ്‍ഗ്രസ് പ്രവര്‍ത്തകരെ വഴിയില്‍ തടഞ്ഞ് ഒരു സംഘം വെട്ടിക്കൊലപ്പെടുത്തിയത്. സിപിഎമ്മിനെതിരേ രൂക്ഷ വിമര്‍ശനമാണ് ഉയരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
