തിരുവനന്തപുരം: സംസ്ഥാനത്തെ ക്രമസമാധാനനില സംബന്ധിച്ച് ഗവര്‍ണര്‍ കേന്ദ്രത്തിന് റിപ്പോര്‍ട്ട് നല്‍കി. കേന്ദ്ര ആഭ്യന്തര മന്ത്രി രാജ്‌നാഥ് സിങ്ങിനാണ് ഗവര്‍ണര്‍ പി. സദാശിവം റിപ്പോർട്ട് നൽകിയത്. ഹര്‍ത്താൽ ആക്രമങ്ങളുടെ പശ്ചാത്തലത്തിലാണ് ഗവര്‍ണറുടെ മറുപടി.
ഗവർണർ ഫോണിലൂടെ രാജ്‌നാഥ് സിങ്ങിനെ വിവരങ്ങൾ ധരിപ്പിക്കുകയായിരുന്നു. രണ്ട് ദിവസത്തെ ക്രമസമാധാനനിലയെക്കുറിച്ചുള്ള
റിപ്പോര്‍ട്ടാണ് കൈമാറിയത്.
ഹര്‍ത്താലിന്റെ മറവില്‍ സംസ്ഥാനത്ത് നടന്ന അക്രമങ്ങളില്‍ ഗവര്‍ണര്‍ പി. സദാശിവം കഴിഞ്ഞ ദിവസം മുഖ്യമന്ത്രിയോട് അടിയന്തര റിപ്പോര്‍ട്ട് തേടിയിരുന്നു. ശബരിമലയില്‍ യുവതികള്‍ പ്രവേശിച്ചതുമായി ബന്ധപ്പെട്ട് ശബരിമല കര്‍മസമിതി ആഹ്വാനം ചെയ്ത ഹര്‍ത്താലില്‍ സംസ്ഥാനത്ത് വ്യാപക അക്രമങ്ങള്‍ നടന്നിരുന്നു. സംസ്ഥാനത്തെ പലയിടങ്ങളിലും ഇപ്പോഴും സംഘര്‍ഷാവസ്ഥ നിലനില്‍ക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
