സുല്‍ത്താന്‍ ബത്തേരി: വയനാട്ടിലെ ജനവാസ മേഖലയിൽ കടുവ ഇറങ്ങി. സുല്‍ത്താന്‍ ബത്തേരിക്ക് സമീപമാണ് കടുവ ഇറങ്ങിയത്. നായ്ക്കട്ടി, മുത്തങ്ങ വനാതിര്‍ത്തിയിലാണ് തിങ്കളാഴ്ച പുലര്‍ച്ചെ കടുവ ഇറങ്ങിയത്. ജനവാസ പ്രദേശത്തേക്ക് ഇറങ്ങിയ കടുവ രണ്ടു പശുക്കളെ കടിച്ചു കൊന്നു.
നാട്ടുകാരുടെ ബഹളം വെച്ചതോടെയാണ് കടുവ തിരികെ കാട്ടിലേക്ക് പോയത്. ഇതോടെ പ്രദേശത്തെ നാട്ടുകാർ ഭീതിയിലാണ്. സ്ഥലത്ത് വനംവകുപ്പ് തെരച്ചില്‍ ശക്തമാക്കി. കടുവ ഇറങ്ങിയ പ്രദേശങ്ങളില്‍ വനം വകുപ്പ് കൂടുകള്‍ സ്ഥാപിച്ചു. കടുവ ഇറങ്ങിയതിന്‍റെ പശ്ചാത്തലത്തില്‍ വനംവകുപ്പ്, പഞ്ചായത്ത് അധികൃതര്‍ ജാഗ്രതാ നിര്‍ദേശം നല്‍കിയിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
