കൊല്ലം : കൊല്ലം ശാസ്താംകോട്ടയില്‍ സ്‌കൂള്‍ വിദ്യാര്‍ത്ഥിനിയെ വീട്ടില്‍ കയറി ആക്രമിച്ച കേസിലെ പ്രതി പിടിയില്‍. കുന്നത്തൂര്‍ സ്വദേശി അനന്തുവാണ് പിടിയിലായത്. ശാസ്താംകോട്ടയ്ക്ക് സമീപം ഇടിഞ്ഞകുഴിയില്‍ നിന്നാണ് ഇയാള്‍ പിടിയിലായത്.
ബസ് ജീവനക്കാരനാണ് ഇയാള്‍. പെണ്‍കുട്ടിയുമായുള്ള സൗഹൃദം തകര്‍ന്നതാണ് ആക്രമണത്തിന് കാരണമെന്നാണ് സൂചന. പെണ്‍കുട്ടി ഇയാള്‍ ജോലി ചെയ്യുന്ന ബസിലാണ് സ്‌കൂളില്‍ പോയിരുന്നത്. പ്രതിയെ പൊലീസ് ചോദ്യം ചെയ്യുകയാണ്.
വീടിന്റെ ഓടിളക്കി മുറിയില്‍ കയറിയ പ്രതി പ്രായപൂര്‍ത്തിയാകാത്ത പെണ്‍കുട്ടിയെ സ്‌ക്രൂ ഡ്രൈവര്‍ ഉപയോഗിച്ച് കുത്തി. മൂന്ന് തവണ പെണ്‍കുട്ടിക്ക് കുത്തേറ്റുവെന്നാണ് റിപ്പോര്‍ട്ട്. കുട്ടിയുടെ നിലവിളി കേട്ട് വീട്ടുകാര്‍ എത്തിയപ്പോഴേക്കും അനന്തു ഓടി രക്ഷപ്പെട്ടു. പെണ്‍കുട്ടി തിരുവനന്തപുരം മെഡിക്കല്‍ കോളേജില്‍ ചികില്‍സയിലാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
