തിരുവനന്തപുരം : ഞായറാഴ്ച വരെ സംസ്ഥാനത്ത് ശക്തമായ മഴ ലഭിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇടുക്കി, മലപ്പുറം ജില്ലകളിൽ ഇന്ന് റെഡ് അലർട്ട് പ്രഖ്യാപിച്ചിട്ടുണ്ട്. നാളെ പത്തനംതിട്ട, കോട്ടയം ഇടുക്കി ജില്ലകളിലും ശനിയാഴ്ച ഇടുക്കി എറണാകുളം ജില്ലകളിലും റെഡ് അലര്ട്ട് പ്രഖ്യാപിച്ചു.
ഈ അഞ്ച് ജില്ലകളിൽ അതിതീവ്ര മഴക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണകേന്ദ്രം അറിയിച്ചു. ഈ ജില്ലകളിൽ അതിതീവ്രമഴക്ക് (24 മണിക്കൂറിൽ 204 മില്ലിമീറ്ററിൽ കൂടുതൽ) സാധ്യതയുണ്ട്. ജാഗ്രത പാലിക്കാനും ക്യാമ്പുകൾ തയാറാക്കുന്നതുൾപ്പെടെ മുന്നൊരുക്കത്തിനും നിർദേശം നൽകിയിട്ടുണ്ട്. തുടർച്ചയായി അതിതീവ്ര മഴ വെള്ളപ്പൊക്കം, ഉരുൾപൊട്ടൽ തുടങ്ങിയവക്ക് സാധ്യത വർധിപ്പിക്കുമെന്നും മുന്നറിയിപ്പിൽ വ്യക്തമാക്കുന്നു.
എറണാകുളം, കോഴിക്കോട്, കണ്ണൂര് ജില്ലകളിൽ ഇന്നും, എറണാകുളം, മലപ്പുറം, കോഴിക്കോട്, വയനാട്, കണ്ണൂര് ജില്ലകളിൽ നാളെയും ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കും കേരളതീരത്ത് 50 കിലോമീറ്റര് വേഗമുളള കാറ്റിനും സാധ്യതയുളളതിനാല് മല്സ്യത്തൊഴിലാളികള്ക്ക് ജാഗ്രത പാലിക്കണമെന്നും നിർദേശിച്ചിട്ടുണ്ട്. മുന്നറിയിപ്പുകള് പ്രകാരം മുന്കരുതല് നടപടികള്ക്ക് സംസ്ഥാന ദുരന്തനിവാരണ അതോറിറ്റി വിവിധ വകുപ്പുകള്ക്ക് നിര്ദേശം നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ