കൊച്ചി: പ്രധാനമന്ത്രി നരേന്ദ്ര മോദി കേരളത്തിലെത്തി. വെള്ളിയാഴ്ച രാത്രി 11.34ഓടെ കൊച്ചി നാവികസേന വിമാനത്താവളത്തിലെത്തിയ അദ്ദേഹം എറണാകുളം ഗസ്റ്റ് ഹൗസിലേക്ക് പോയി. രാവിലെ ഗുരുവായൂര് ക്ഷേത്ര ദര്ശനം നടത്തുന്ന അദ്ദേഹം, ശേഷം പൊതുസമ്മേളനത്തിലും പങ്കെടുക്കും.
രാവിലെ 8.55ന് ഗസ്റ്റ് ഹൗസില് നിന്ന് കൊച്ചി നാവികസേനാ വിമാനത്താവളത്തില് എത്തും. ഹെലികോപ്റ്റര് മാര്ഗം ഗുരുവായൂരിലേക്ക് തിരിക്കും. 10.10നാണ് ക്ഷേത്ര ദര്ശനത്തിന് സമയം നിശ്ചയിച്ചിരിക്കുന്നത്. താമരപൂവുകള് കൊണ്ട് തുലാഭാരവും നടത്തും.
ക്ഷേത്രദര്ശനത്തിനു ശേഷം പതിനൊന്നു മണിക്കാണ് പൊതുസമ്മേളനം.ഗുരുവായൂര് ശ്രീകൃഷ്ണ ഹയര്സെക്കന്ഡറി സ്കൂള് മൈതാനത്താണ് പരിപാടി. അഭിനന്ദന് സഭയെന്ന് പേരിട്ടിരിക്കുന്ന പരിപാടി ബിജെപിയാണ് സഘടിപ്പിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ