തിരുവനന്തപുരം: ജീവനക്കാരെ മര്ദിക്കുന്ന ആളുകള്ക്ക് മുന്നറിയിപ്പുമായി കെഎസ്ഇബി. തങ്ങളുടെ ജോലി തടസ്സപ്പെടുത്തുകയോ ജീവനക്കാരെ മര്ദ്ദിക്കുകയോ ചെയ്താല് ലഭിക്കാനിടയുള്ള ശിക്ഷയെക്കുറിച്ച് കെഎസ്ഇബി ഫേസ്ബുക്ക് പോസ്റ്റിലൂടെയാണ് മുന്നറിയിപ്പ് നല്കിയിരിക്കുന്നത്.
പൊതുജനങ്ങളുടെ ശ്രദ്ധയ്ക്ക് എന്ന തലക്കെട്ടോടെയാണ് ഫേസ്ബുക്ക് പോസ്റ്റ്. കെഎസ്ഇബി ജീവനക്കാരെ ജോലി ചെയ്യുന്നതില് നിന്ന് തടസ്സപ്പടുത്തിയാലും മര്ദിച്ചാലും മൂന്നു മാസം തടവും പിഴയും ശിക്ഷയായി ലഭിക്കും. ജീവനക്കാരെ മാരകമായി മര്ദിക്കുകയും ജോലിയ്ക്ക് തടസ്സം സൃഷ്ടിക്കുകയും ചെയ്താല് പത്തുമാസം തടവും പിഴയുമാണ് ശിക്ഷ. ഓഫീസില് അതിക്രമിച്ചു കയറുകയും ഓഫീസിനും വസ്തുവകകള്ക്കും നാശനഷ്ടം ഉണ്ടാക്കുകയും ചെയ്താല് മൂന്നുമാസം തടവും പിഴയും ലഭിക്കുമെന്നും പോസ്റ്റില് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ