പാലക്കാട്: പാലക്കാട് വീണ്ടും മാവോയിസ്റ്റുകളുടെ പേരിൽ പോസ്റ്റർ. പാലക്കാട് മണ്ണാർക്കാട് ആനമൂളിയിലാണ് പോസ്റ്ററുകൾ പതിച്ചിട്ടുള്ളത്. സ്ത്രീ-പുരുഷ സമത്വത്തിലൂടെ മാത്രമേ സാമൂഹിക വിമോചനം സാധ്യമാകൂ എന്നാണ് പോസ്റ്ററിൽ കുറിച്ചിരിക്കുന്നത്. സ്ത്രീകളെ അടിച്ചമർത്താൻ ദൈവത്തിന്റെ പേരിൽ നടത്തുന്ന പുരുഷാധിപത്യം എതിർക്കണമെന്നും എഴുതിയിട്ടുണ്ട്.
സിപിഐ മാവോയിസ്റ്റ് ഭവാനി ദളത്തിന്‍റെ പേരിലാണ് പോസ്റ്റർ പതിച്ചിരിക്കുന്നത്. അതേസമയം വയനാട് വെടിവെപ്പിനെ സംബന്ധിച്ച് പോസ്റ്ററിൽ പരാമർശമില്ല. മുൻപും ഇതേ പ്രദേശത്ത് മാവോയിസ്റ്റുകൾ പോസ്റ്ററുകൾ പതിച്ചിരുന്നു. വൈത്തിരി വെടിവെപ്പിന്റെ പശ്ചാത്തലത്തിൽ പൊലീസ് ജാഗ്രത പുലർത്തുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
