തെരഞ്ഞെടുപ്പ് ചൂടിനിടെ 'വിനോദസഞ്ചാരം' വേണ്ട ; പാരീസിലുള്ള ടൂറിസം സെക്രട്ടറിയെ മടക്കിവിളിച്ചു

തി​രു​വ​ന​ന്ത​പു​രം: പൊതു തെ​ര​ഞ്ഞെ​ടു​പ്പ് ആസന്നമായിരിക്കെ വി​ദേ​ശ​യാ​ത്ര​യ്ക്കു​പോ​യ ടൂ​റി​സം സെ​ക്ര​ട്ട​റി റാ​ണി ജോ​ർ​ജി​നെ മ​ട​ക്കി​വി​ളി​ച്ചു. അ​നു​വാ​ദം വാ​ങ്ങാ​തെ പോ​യ​തി​നാ​ലും തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​നി​ൽ​ക്കു​ന്ന​തി​നാ​ലു​മാ​ണ് ന​ട​പ​ടി. തെ​ര​ഞ്ഞെ​ടു​പ്പ് പ്ര​ഖ്യാ​പി​ക്ക​പ്പെ​ട്ടാ​ൽ ഐ​എ​എ​സ് ഉ​ദ്യോ​ഗ​സ്ഥ​ർ അ​ടി​യ​ന്ത​ര സാ​ഹ​ച​ര്യ​ത്തി​ൽ മാ​ത്ര​മേ യാ​ത്ര ന​ട​ത്താ​വൂ എ​ന്നു ച​ട്ട​മു​ണ്ട്. 

എന്നാൽ റാണി ജോർജ് ഇത്തരം അനുമതി വാങ്ങിയില്ലെന്ന് വ്യക്തമായതിന്റെ അടിസ്ഥാനത്തിലാണ് നടപടി. റാണി ജോർജിനോട് മടങ്ങി വരാൻ ആവശ്യപ്പെടാൻ പൊ​തു​ഭ​ര​ണ വ​കു​പ്പി​ന് ചീ​ഫ് സെ​ക്ര​ട്ട​റി നി​ർ​ദേ​ശം ന​ൽ​കി. മ​ട​ങ്ങി​വ​രാ​നു​ള്ള നി​ർ​ദേ​ശം റാ​ണി ജോ​ർ​ജി​നു കൈ​മാ​റാ​ൻ ഫ്രാ​ൻ​സി​ലെ ഇ​ന്ത്യ​ൻ എം​ബ​സി​യോ​ടു പൊ​തു​ഭ​ര​ണ വ​കു​പ്പ് ആ​വ​ശ്യ​പ്പെ​ട്ടു.

പാ​രീ​സി​ൽ ഉ​ച്ച​കോ​ടി​യി​ൽ പ​ങ്കെ​ടു​ക്കു​ന്ന​തി​നാ​യാ​ണ് റാ​ണി ജോ​ർ​ജ് പോ​യ​ത്. 45 ദി​വ​സം മു​മ്പ് വി​ദേ​ശ​യാ​ത്ര​യ്ക്ക് റാ​ണി ജോ​ർ​ജി​ന് സ​ർ​ക്കാ​ർ അ​നു​മ​തി ന​ൽ​കി​യി​രു​ന്നു. ഇ​തി​നു​ശേ​ഷ​മാ​ണ് തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​വി​ൽ​വ​ന്ന​ത്. ഇ​തോ​ടെ സ​ർ​ക്കാ​രി​ന്‍റെ അ​നു​മ​തി​ക്ക് സാ​ധു​ത ന​ഷ്ട​മാ​യി.