ഓണ്ലൈനായി ടിക്കറ്റെടുത്തു ; അബുദാബി ഡ്യൂട്ടി ഫ്രീ ബിഗ് ടിക്കറ്റിന്റെ ബമ്പര് സമ്മാനം മലയാളിക്ക് ; 28 കോടി രൂപ
അബുദാബി: അബുദാബി ഡ്യൂട്ടി ഫ്രീ ബിഗ് ടിക്കറ്റിന്റെ ബമ്പര് നറുക്കെടുപ്പില് ഒന്നാം സമ്മാനം മലയാളിക്ക്. ശ്രീനു ശ്രീധരന് നായര്ക്കാണ് ഒന്നാം സമ്മാനമായ 15 ദശലക്ഷം ദിര്ഹം (ഏകദേശം 28.87 കോടി ഇന്ത്യന് രൂപ) ലഭിച്ചത്. നറുക്കെടുപ്പില് പത്തില് പത്തു സമ്മാനവും ലഭിച്ചത് ഇന്ത്യക്കാര്ക്കാണ്.
ശ്രീനു ശ്രീധരന് നായര് ഓണ്ലൈനായി എടുത്ത 098165 നമ്പര് ടിക്കറ്റിനാണ് ബമ്പര് നറുക്ക് വീണത്. സംഘാടകര് വിജയിയെ ഫോണില് ബന്ധപ്പെടാന് ശ്രമിച്ചെങ്കിലും ലഭിച്ചില്ല. രണ്ടാം സമ്മാനമായ ഒരു ലക്ഷം ദിര്ഹത്തിന് സാക്കിര് ഖാന് അര്ഹനായി. മൂന്നും നാലും അഞ്ചും സമ്മാനങ്ങള് യഥാക്രമം സിദിഖ് ഒതിയോരത്ത്, അബ്ദുല് റഷീദ് കോടാലിയില്, രാജീവ് രാജന് എന്നിവര് നേടി.
പത്ത് നറുക്കില് നാലാമത്തെയും പത്താമത്തെയും സമ്മാനങ്ങള് നേടിയവരൊഴികെ ബാക്കി സമ്മാനാര്ഹരെല്ലാം ടിക്കറ്റെടുത്തത് ഓണ്ലൈനായാണ് എന്നതും പ്രത്യേകതയാണ്. ബിഗ് ടിക്കറ്റില് ഭാഗ്യം പരീക്ഷിക്കാന് രാജ്യത്തിനുപുറത്തുള്ള വലിയ സമൂഹവും തയ്യാറാവുന്നു എന്നതാണ് ഇത് സൂചിപ്പിക്കുന്നത്. കഴിഞ്ഞമാസത്തെ ബമ്പര് വിജയി യു.എ.ഇ.യില് ഇതുവരെ വരാത്ത ആളായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ