കൊച്ചി: കൊച്ചി മെട്രോയുടെ സമയക്രമം വീണ്ടും രാവിലെ ആറ് മണി മുതൽ രാത്രി 10 മണി വരെയാക്കി. നാളെ മുതൽ ആറ് മണിക്ക് മെട്രോ ഓടിത്തുടങ്ങുമെന്ന് കെഎംആർഎൽ അറിയിച്ചു. ലോക്ക്ഡൗൺ പ്രഖ്യാപിച്ചതിനെ തുടർന്ന് കേന്ദ്രം പുറപ്പെടുവിച്ച മാർഗ്ഗനിർദേശത്തിൻ്റെ അടിസ്ഥാനത്തിൽ മെട്രോയുടെ സമയം രാവിലെ 7 മുതൽ രാത്രി 9 മണി വരെയാക്കിയിരുന്നു.
നാളെ രാവിലെ ആറുമണിക്ക് പേട്ടയിൽ നിന്നും ആലുവയിൽ നിന്നും മെട്രോയുടെ ആദ്യ സർവീസ് ആരംഭിക്കും. രാത്രി 10 മണിക്ക് ഇവിടങ്ങളിൽ നിന്ന് അവസാന സർവീസ് ഉണ്ടാകും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ