തിരുവനന്തപുരം: സംസ്ഥാനത്ത് വരുന്ന രണ്ട് ദിവസങ്ങളിൽ (ഞായര്,തിങ്കള്) റേഷന് കടകള് പ്രവര്ത്തിക്കില്ല. ഇ- പോസ് മെഷീനില് ക്രമീകരണം വരുത്തുന്നതിനാലാണ് അവധി. ദേശീയ റേഷന് പോര്ട്ടബിലിറ്റിയുമായി ബന്ധപ്പെട്ടാണ് ക്രമീകരണം.
ഭക്ഷ്യധാന്യമോ സാനിറ്റൈസറോ കൊണ്ടുവന്നാല് തിങ്കളാഴ്ച ഇവ ശേഖരിക്കാനായി കടകൾ തുറക്കാൻ അനുമതിയുണ്ട്. എന്നാൽ റേഷൻ വിതരണം പാടില്ല.
റേഷൻ ധാന്യങ്ങൾ കിട്ടാൻ ഇപോസ് മെഷീനിൽ വിരൽ പതിപ്പിക്കുന്നത് വീണ്ടും നിർബന്ധമാക്കിയിട്ടുണ്ട്. കേന്ദ്ര സര്ക്കാര് നിര്ദേശം അനുസരിച്ചാണ് വിരല് പതിപ്പിക്കുന്നത് വീണ്ടും നിര്ബന്ധമാക്കുന്നത്. വിരല് പതിപ്പിക്കുന്നതിന് മുൻപ് എല്ലാവരും സാനിറ്റൈസര് ഉപയോഗിച്ച് കൈ കഴുകണം. ഇതിന് ആവശ്യമായ സാനിറ്റൈസര് എല്ലാ കടകളിലും എത്തിക്കണമെന്ന് ജില്ലാ സപ്ലൈ ഓഫീസര്മാരോട് നിര്ദേശിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ