മലപ്പുറം : നിലമ്പൂര് പോത്തുകല് ഞെട്ടിക്കുളത്ത് അമ്മയേയും മൂന്നു മക്കളേയും മരിച്ച നിലയില് കണ്ടെത്തിയ സംഭവത്തില് വഴിത്തിരിവ്. മരിച്ച രഹനയുടെ ഭര്ത്താവ് വിനീഷിനെതിരെ യുവതിയുടെ കുടുംബം രംഗത്തെത്തി. വിനീഷിന് മറ്റൊരു സ്ത്രീയുമായുളള ബന്ധമാണ് കുടുംബപ്രശ്നങ്ങളുടെ കാരണം. കഴിഞ്ഞ മൂന്നു വര്ഷമായി കുടുംബത്തിനുളളില് പ്രശ്നങ്ങളുണ്ടെന്നും രഹനയുടെ പിതാവ് രാജന് ആരോപിച്ചു.
ഭാര്യയും മൂന്നു മക്കളും മരിച്ച വിവരം കുടുംബത്തെ വിളിച്ച് അറിയിച്ചത് വിനീഷാണന്നും രാജന് പറഞ്ഞു. വിനീഷിന്റെ ഭാര്യ രഹ്ന (34 വയസ്സ്), മക്കളായ 13 വയസുകാരന് ആദിത്യന്, 11 വയസുകാരന് അര്ജുന് 7 വയസുകാരന് അനന്തു എന്നിവരേയാണ് വീടിനുളളില് മരിച്ച നിലയില് കണ്ടെത്തിയത്.
ടാപ്പിങ് തൊഴിലാളിയായി വിനീഷ് കണ്ണൂര് ഇരിട്ടിയിലെ ജോലി സ്ഥലത്തായിരുന്നു. രഹ്നയെ ഫോണില് കിട്ടുന്നില്ലെന്ന് വിനീഷ് അയല്ക്കാരെ അറിയിച്ചതിനെ തുടര്ന്ന് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്. മഞ്ചേരി മെഡിക്കല് കോളജില് പോസ്റ്റുമോര്ട്ടത്തിനു ശേഷം മൃതദേഹങ്ങള് സംസ്ക്കരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ