പാലക്കാട്: മരം വെട്ടാൻ കയറി കൈ മരക്കൊമ്പിനിടയിൽ കുടുങ്ങിയ തൊഴിലാളിയെ സാഹസികമായി രക്ഷപ്പെടുത്തി. അഗ്നിരക്ഷാ സേനയും സിവിൽ ഡിഫൻസ് സംഘവും ചേർന്നാണ് വല്ലപ്പുഴ സ്വദേശി രാമൻകുട്ടിയെ മരത്തിൽ നിന്ന് താഴെയിറക്കിയത്. ഒരു മണിക്കൂറോളമാണ് രാമൻക്കുട്ടി വേദന സഹിച്ച് ഉയരമുള്ള ഉങ്ങ് മരത്തിൽ കുടുങ്ങിക്കിടന്നത്. ഇന്നലെ രാവിലെ പത്ത് മണിയോടെയാണ് സംഭവം.
വെട്ടിമാറ്റിയ കൊമ്പുകളിൽ ഒരെണ്ണം ഒടിഞ്ഞു രാമൻക്കുട്ടിയുടെ ഇടത്തേ കൈ കുടുങ്ങുകയായിരുന്നു. സഹായി കൂടെയുണ്ടായിരുന്നെങ്കിലും മരത്തിൽ നിന്ന് ഇറക്കാൻ കഴിഞ്ഞില്ല. പിന്നീട് ഷൊർണൂരിൽ നിന്ന് അഗ്നിരക്ഷാ സേന എത്തി മരക്കൊമ്പ് വെട്ടിമാറ്റിയാണു രാമൻകുട്ടിയെ താഴെയിറക്കിയത്. രാമൻകുട്ടിയെ പിന്നീട് ആശുപത്രിയിൽ പ്രവേശിപ്പിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
