കൊച്ചി: ലോക്ക്ഡൗണുമായി ബന്ധപ്പെട്ട നിയന്ത്രണങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് എറണാകുളം ജില്ലാ കളക്ടര്‍ എസ് സുഹാസ്. കമ്യൂണിറ്റി കിച്ചനുകളില്‍ ആള്‍ക്കൂട്ടവും ആഘോഷവും പാടില്ല. ഇതു സംബന്ധിച്ച പരാതികളില്‍ നടപടിക്ക് നിര്‍ദേശം നല്‍കുമെന്നും അദ്ദേഹം പറഞ്ഞു.
വ്യാപാര സ്ഥാപനങ്ങളില്‍ ഉത്തരവിന്റെ ലംഘനം കണ്ടെത്താന്‍ ക്യാമറയുമായി സ്‌ക്വാഡുകളെ നിയോഗിച്ചിരുന്നു. നിശ്ചിത എണ്ണത്തിലും കൂടുതല്‍ പേരെ പ്രവേശിപ്പിച്ച സ്ഥാപനങ്ങളുടെ പട്ടിക തയാറാക്കിയിട്ടുണ്ട്. ഇവര്‍ക്ക് നോട്ടീസ് നല്‍കി നടപടി സ്വീകരിക്കും.
ജില്ലയില്‍ സ്ഥിതി നിയന്ത്രണത്തിലാണെങ്കിലും ജാഗ്രത കൈവിടാനാകില്ല. ഈസ്റ്റര്‍, വിഷു ആഘോഷങ്ങളുടെ പേരില്‍ നിലവിലെ നിയന്ത്രണങ്ങള്‍ ലംഘിക്കാന്‍ ആരെയും അനുവദിക്കില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
