തിരുവനന്തപുരം: കോവിഡ് 19 പ്രതിരോധ പ്രവര്‍ത്തനങ്ങള്‍ വിശദീകരിച്ചുകൊണ്ടുള്ള മുഖ്യമന്ത്രിയുടെ വാര്‍ത്താ സമ്മേളനം തിങ്കളാഴ്ച മുതല്‍ വീണ്ടും ഉണ്ടാകും. ഒന്നിടവിട്ട ദിവസങ്ങളിലാകും ഇനി വാര്‍ത്താ സമ്മേളന നടത്തുക. വാര്‍ത്താ സമ്മേളനം അവസാനിപ്പിച്ചതിനെ കുറിച്ച് വളച്ചൊടിച്ച വ്യാഖ്യാനങ്ങള്‍ വന്നതിനെ തുടര്‍ന്നാണ് വാര്‍ത്താ സമ്മേളനം നടത്തുമെന്ന് മുഖ്യമന്ത്രിയുടെ ഓഫീസ് അറിയിച്ചത്.
കോവിഡ് അവലോകന യോഗങ്ങള്‍ ഉള്ള ദിവസം മുഖ്യമന്ത്രി വാര്‍ത്താ സമ്മേളനം നടത്തും. സംസ്ഥാനത്ത് രോഗം നിയന്ത്രണവിധേയമാകുന്ന സാഹചര്യത്തിലാണ് ദിവസേനയുള്ള വാര്‍ത്താ സമ്മേളനം വേണ്ടെന്ന് മുഖ്യമന്ത്രി തീരുമാനിച്ചത്. എന്നാല്‍ പ്രതിപക്ഷം ഉയര്‍ത്തിയ ആരോപണങ്ങളില്‍ മറുപടി ഇല്ലാത്തതിനാലാണ് മുഖ്യമന്ത്രി വാര്‍ത്താ സമ്മേളനം വേണ്ടെന്ന് വെച്ചത് എന്നായിരുന്നു പ്രതിപക്ഷത്തിന്റെ ആരോപണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
