തിരുവനന്തപുരം: സുപ്രഭാതം ദിനപത്രത്തിലെ തിരുവനന്തപുരം യൂണിറ്റ് ഫോട്ടോഗ്രാഫര് ശ്രീകാന്ത് എസ് അന്തരിച്ചു. 32 വയസ്സായിരുന്നു. വാഹനാപകടത്തില് പരിക്കേറ്റ് തിരുവനന്തപുരം മെഡിക്കല് കോളജിലെ തീവ്രപരിചരണ വിഭാഗത്തില് ചികിത്സയിലായിരുന്നു. ജൂലൈ 31 രാത്രി പതിനൊന്ന് മണിയോടെ പള്ളിമുക്ക് കുമാരപുരം റോഡില് ആയിരുന്നു അപകടം.
സഞ്ചരിച്ചിരുന്ന സ്കൂട്ടര് നിയന്ത്രണംവിട്ട് നിര്ത്തിയിട്ടിരുന്ന ലോറിയില് ഇടിക്കുകയായിരുന്നു. തലയ്ക്കും നെഞ്ചിനും ഗുരുതര പരിക്കേറ്റ നിലയില് ആശുപത്രിയില് പ്രവേശിപ്പിച്ച ശ്രീകാന്ത് കഴിഞ്ഞ ആറു ദിവസമായി അബോധാവസ്ഥയിലായിരുന്നു. ഇന്നലെ വൈകുന്നേരത്തോടെ സ്ഥിതി വഷളാവുകയും മരണം സംഭവിക്കുകയുമായിരുന്നു.
കഴിഞ്ഞ നാലു വര്ഷമായി സുപ്രഭാതത്തില് ഫോട്ടോ ഗ്രാഫറായി ജോലി ചെയ്തു വരികയായിരുന്നു. നേരത്തേ മംഗളത്തിലും ജോലി ചെയ്തിട്ടുണ്ട്. 2014ല് തിരുവനന്തപുരം പ്രസ് ക്ലബില് നിന്നാണ് ഫോട്ടോ ജേണലിസം കോഴ്സ് പൂര്ത്തിയാക്കിയത്. പിതാവ്; ശ്രീകുമാര് നായര്, മാതാവ്: രത്നമ്മ, ഭാര്യ രമ്യ (വര്ക്കല നഗരസഭ താല്ക്കാലിക ജീവനക്കാരി), മകന് : അങ്കിത്. ശ്രീകാന്തിന്റെ നിര്യാണത്തില് മുഖ്യമന്ത്രി പിണറായി വിജയന്, പ്രതിപക്ഷ നേതാവ് രമേശ് ചെന്നിത്തല എന്നിവര് അനുശോചനം രേഖപ്പെടുത്തി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ