കോട്ടയം: കോട്ടയം ജില്ലാ കലക്ടര് എം അഞ്ജന ക്വാറന്റൈനില്. കലക്ടറുടെ ഓഫീസ് സ്റ്റാഫംഗത്തിന് കോവിഡ് സ്ഥീരികരിച്ച സാഹചര്യത്തിലാണ് ക്വാറന്റൈനില് തുടരാനുള്ള തീരുമാനം. കലക്ടറെ കൂടാതെ എഡിഎമ്മും മറ്റ് ഇന്നത ഉദ്യോഗസ്ഥരും ക്വാറന്റീനില് തുടരും. ഇവരോട് ക്വാറന്റൈനില് തുടരാന് ആരോഗ്യവകുപ്പും നിര്ദേശിച്ചിട്ടുണ്ട്.
കൊണ്ടോട്ടി എംഎല്എ ടി വി ഇബ്രാഹിം കോവിഡ് നിരീക്ഷണത്തിലാണ്. കൊണ്ടോട്ടി നഗരസഭയിലെ രണ്ട് കൗണ്സിലര്മാര്ക്ക് കോവിഡ് സ്ഥിരീകരിച്ചിരുന്നു. ഇവരുമായി എംഎല്എയ്ക്ക് സമ്പര്ക്കം ഉണ്ടായതിന്റെ പശ്ചാത്തലത്തിലാണ് മുന്കരുതല് എന്ന നിലയില് ഇബ്രാഹിം ക്വാറന്റീനില് പ്രവേശിച്ചത്.
കഴിഞ്ഞ ദിവസം രോഗം സ്ഥിരീകരിച്ച നിലമ്പൂര് താലൂക്ക് ആശുപത്രി െ്രെഡവറുടെ കുടുംബത്തിലെ നാല് പേര്ക്കും രോഗം സ്ഥിരീകരിച്ചു. നിലമ്പൂരും, കൊണ്ടോട്ടിയും കണ്ടയിന്മെന്റ് സോണാക്കി പ്രഖ്യാപിച്ചിട്ടുണ്ട്. കൊണ്ടോട്ടി നഗരസഭ മുഴുവന് കണ്ടയിന്മെന്റ് സോണ് ആണ്.
നിലവില് മലപ്പുറം ജില്ലയില് ഒന്നോ രണ്ടോ മേഖലകളില് ക്ലസ്റ്റര് രൂപപ്പെടുന്ന അവസ്ഥയല്ല മറിച്ച് പലയിടത്തുമായി ആളുകള്ക്ക് സമ്പര്ക്കത്തിലൂടെ ഉറവിടം അറിയാതെ രോഗം ബാധിക്കുന്ന സാഹചര്യമാണ് നിലനില്ക്കുന്നത്. ഇത് ആശങ്കക്ക് ഇട നല്കുന്നതാണെന്ന് ആരോഗ്യപ്രവര്ത്തകര് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ