തലച്ചോറിൽ രക്തസ്രാവം; മന്ത്രി എംഎം മണിക്ക് അടിയന്തര ശസ്ത്രക്രിയ

തിരുവനന്തപുരം: മന്ത്രി എംഎം മണിയെ അടിയന്തര ശസ്ത്രക്രിയക്ക് വിധേയനാക്കി. തലച്ചോറിനും തലയോട്ടിക്കുമിടയിലെ രക്തസ്രാവത്തെ തുടർന്നാണ് അടിയന്തര ശസ്ത്രക്രിയ. തിരുവനന്തപുരം മെഡിക്കൽ കോളജ് ആശുപത്രിയിലാണ് അദ്ദേഹത്തെ പ്രവേശിപ്പിച്ചത്.  

രക്തസ്രാവത്തെ തുടർന്ന് വെള്ളിയാഴ്ചയാണ് അദ്ദേഹത്തെ മെഡിക്കൽ കോളജ് ആശുപത്രിയിലെ തീവ്ര പരിചരണ വിഭാഗത്തിലേക്ക് മാറ്റിയത്. 
മന്ത്രിയുടെ ആരോ​ഗ്യ നില തൃപ്തികരമാണെന്നും കുറച്ചു നാൾ വിശ്രമം വേണ്ടി വരുമെന്നും ഡോക്ടർമാർ അറിയിച്ചു.