കൊല്ലം: ക്വാറന്‍റൈന്‍ സൗകര്യം ലഭിക്കാത്തതിനെ തുടര്‍ന്ന് കർണാടകയിൽ നിന്ന് സംസ്ഥാനത്ത് എത്തിയയാൾ നേരിട്ടത് മണിക്കൂറുകൾ നീണ്ട ദുരിതം. ഒരു രാത്രി മുഴുവൻ ചന്തയിലാണ് ഇദ്ദേഹം കഴിച്ചുകൂട്ടിയത്. തുടർന്ന് നാട്ടുകാർ വിവരം അറിയിച്ചതിന്റെ അടിസ്ഥാനത്തിൽ ആരോഗ്യവകുപ്പ് ഉദ്യോഗസ്ഥരെത്തിയാണ് ഇയാളെ സര്‍ക്കാര്‍ ക്വാറന്‍റൈന്‍ കേന്ദ്രത്തിലേക്കു മാറ്റിയത്.
കര്‍ണാടകയില്‍ നിന്നെത്തിയ കൊല്ലം ചവറ സ്വദേശിക്കാണ് ഈ ദുരനുഭവമുണ്ടായത്. ബന്ധുവീടുകളില്‍ പോയെങ്കിലും ഇയാളെ സ്വീകരിക്കാന്‍ ആരും തയാറായില്ല. തുടർന്ന് ഇയാള്‍ കടപ്പാക്കട ചന്തയില്‍ എത്തുകയായിരുന്നു. ഇത് ശ്രദ്ധയിൽപ്പെട്ട നാട്ടുകാർ ഇടപെടുകയായിരുന്നു. വിവരം അറിഞ്ഞ് എത്തിയ ആരോഗ്യവകുപ്പ് ഉദ്യോഗസ്ഥർ ഇയാളെ സർക്കാർ ക്വാറന്റൈൻ കേന്ദ്രത്തിലേക്ക് കൊണ്ടുപോയി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
