ചെറുതുരുത്തി: തൃശൂര്-ഷൊര്ണൂര് സംസ്ഥാന പാതയില് ചെറുതുരുത്തിയില് നോട്ടുകള് പെയ്തിറങ്ങി. ചെറുതുരുത്തി സെന്ററിലെ പൊലീസ് സ്റ്റേഷനു സമീപത്ത് തിങ്കളാഴ്ച രാത്രി 8നാണ് 2000 ത്തിന്റെയും 500 രൂപയുടെയും നോട്ടുകള് പെയ്തിറങ്ങിയത്. കാറിലെത്തിയ സംഘം 2000ത്തിന്റേയും 500ന്റേയും നോട്ടുകള് വിതറി പോവുകയായിരുന്നെന്നാണ് ദൃക്സാക്ഷികള് പറയുന്നത്.
പലരും ഇതു പെറുക്കിയെടുത്തെങ്കിലും സൂക്ഷിച്ച് നോക്കിയപ്പോഴാണ് നോട്ടുകളില് ചില്ഡ്രന് ബാങ്ക് ഓഫ് ഇന്ത്യ, ഫുള് ഓഫ് ഫണ് എന്ന് എഴുതിയതു കണ്ടത്. അമളി പറ്റിയെന്നറിഞ്ഞതോടെ നോട്ടുകള് എടുത്ത പലരും ഇക്കാര്യം പുറത്ത് പറയാതെ മടങ്ങുകയായിരുന്നു. സംഭവം അറിഞ്ഞിട്ടില്ലെന്നും അന്വേഷണം നടത്തുമെന്നും ചെറുതുരത്തി പൊലീസ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ