കോഴിക്കോട് : കോഴിക്കോട് പേരാമ്പ്രയ്ക്ക് സമീപം കണ്ണിപ്പൊയിൽ പരിസരത്ത് അജ്ഞാത ജീവിയുടെ കാൽപാടുകൾ കണ്ടത് നാട്ടുകാര് ആശങ്കയിലാക്കി. ചൊവ്വാഴ്ച രാവിലെയാണ് ഏഴ് ഇഞ്ച് വീതിയും എട്ട് ഇഞ്ച് നീളവും ഉള്ള കാൽപ്പാടുകൾ നാട്ടുകാരുടെ ശ്രദ്ധയിൽ പെട്ടത്.
കണ്ണിപെയിൽ നല്ലാശ്ശേരി പറമ്പ്, പൊയില് കുന്നുമ്മല് വിജയന്റെ വീട്ടു മുറ്റം, കിഴക്കേ പറമ്പില്, കണ്ണിപൊയില് പൈതോത്ത് റോഡില് അങ്കണവാടിക്ക് സമീപം എന്നിവിടങ്ങളില് ആണ് കാല് പാടുകള് കണ്ടത്. കഴിഞ്ഞ ദിവസം രാത്രി അജ്ഞാത ജീവിയുടെ കരച്ചില് കേട്ടതായും നാട്ടുകാര് പറഞ്ഞു. നാട്ടുകാര് വനംവകുപ്പ്, പൊലീസ് അധികൃതരെ വിവരം അറിയിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ