പാലക്കാട്: പാലക്കാട് ജില്ലയിൽ ഇന്നുമുതൽ നിരോധനാജ്ഞ. കോവിഡ് വ്യാപനം കണക്കിലെടുത്താണ് ജില്ലയിൽ നിരോധനാജ്ഞ പുറപ്പെടുവിച്ചത്. ഇന്നു മുതൽ ഈ മാസം 31 വരെയാണ് നിരോധനാജ്ഞ. പാലക്കാട് ജില്ലയിൽ 19 പേർക്കാണ് കോവിഡ് സ്ഥിരീകരിച്ചത്.
ഇതില് 12 പേര് ഇതര സംസ്ഥാനങ്ങളില് നിന്ന് വന്നവരാണെന്ന് മന്ത്രി എ കെ ബാലന് വ്യക്തമാക്കിയിരുന്നു. വാളയാര് അതിര്ത്തി വഴി വന്ന 12 പേര്ക്കാണ് കോവിഡ് സ്ഥിരീകരിച്ചത്. തമിഴ്നാട്, കര്ണാടക, തെലങ്കാന, മഹാരാഷ്ട്ര തുടങ്ങിയ സംസ്ഥാനങ്ങളില് നിന്ന് എത്തിയവരിലാണ് കൊറോണ വൈറസ് ബാധ കണ്ടെത്തിയത്. രണ്ടുപേര് വിദേശത്ത് നിന്ന് എത്തിയവരാണ്.
വാളയാര് അതിര്ത്തിയില് ഇതര സംസ്ഥാനങ്ങളില് നിന്ന് നാട്ടില് വരുന്നവരെ കടത്തിവിടാന് ഡ്യൂട്ടിയില് ഉണ്ടായിരുന്ന മൂന്നുപേര്ക്കും കോവിഡ് സ്ഥിരീകരിച്ചതായി എ കെ ബാലന് പറഞ്ഞു. രണ്ടുപേര്ക്ക് സമ്പര്ക്കത്തിലൂടെയാണ് രോഗബാധ ഉണ്ടായത്. ഇതുവരെ ജില്ലയില് 58 പേര്ക്കാണ് കോവിഡ് സ്ഥിരീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ