തിരുവനന്തപുരം: എംബിബിഎസ് കോഴ്സുകളിലെ പ്രവേശനത്തിനു ഓപ്ഷൻ സ്വീകരിക്കുന്ന തിയതി വ്യാഴാഴ്ച വരെ ദീർഘിപ്പിച്ചു. ബുധനാഴ്ച ഉച്ചയ്ക്ക് 12.00 മുതൽ വ്യാഴാഴ്ച ഉച്ചയ്ക്ക് 12.00 വരെ ഓപ്ഷൻ സ്വീകരിക്കും. വിദ്യാർഥികളുടെ ആവശ്യപ്രകാരമാണ് തീയതി ദീർഘിപ്പിച്ച് പ്രവേശന കമ്മിഷണർ വിജ്ഞാപനം ഇറക്കിയത്. ബിഡിഎസ്, അഗ്രികൾച്ചർ, വെറ്ററിനറി, ഫോറസ്ട്രി, ഫിഷറീസ് കോഴ്സുകളിലെ പ്രവേശനത്തിനും ഇതു ബാധകമാണ്.
എംബിബിഎസിന്റെ ആദ്യ അലോട്ട്‌മെന്റ് 20നു പ്രസിദ്ധീകരിക്കും. നേരത്തെ ഈ മാസം 15 വരെയായിരുന്നു ഓപ്ഷനുകൾ നൽകാൻ അവസരം നൽകിയിരുന്നത്.
കോഴ്സിന്റെ ഫീസ് വർധന സംബന്ധിച്ച ആശങ്ക നിലനിൽക്കെയാണ് പ്രവേശന നടപടികൾ ആരംഭിക്കുന്നത്. കോടതിയുടെ അന്തിമവിധി അനുസരിച്ചായിരിക്കും ഫീസ്. സ്വാശ്രയ കോളജുകൾ ആവശ്യപ്പെടുന്ന ഫീസ് 22 ലക്ഷം വരെ ഉയർന്നേക്കാമെന്ന സാഹചര്യം വന്നതോടെയാണ് വിദ്യാർഥികൾ പ്രതിസന്ധിയിലായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
