കൊല്ലം : കൊല്ലത്ത് വന് മയക്കുമരുന്ന് വേട്ട. രണ്ടുകോടിയോളം രൂപ വിലവരുന്ന ഹാഷിഷ് ഓയിലും കഞ്ചാവും എക്സൈസ് സംഘം പിടികൂടി. രണ്ടുപേരെ അറസ്റ്റ് ചെയ്തിട്ടുണ്ട്.
തൃശൂര് സ്വദേശി സിറാജ്, ചവറ സ്വദേശി അഖില്രാജ് എന്നിവരെയാണ് കസ്റ്റഡിയിലെടുത്തത്. 2.25 ലിറ്റര് ഹാഷിഷ് ഓയിലാണ് പിടികൂടിയത്.
തൃശൂര് സ്വദേശി ഹാഷിഷ് ഓയില് ചവറയിലെത്തിക്കുകയും ഇവിടെ നിന്നും സംസ്ഥാനത്തിന്റെ വിവിധ ഭാഗങ്ങളിലേക്ക് വിതരണം ചെയ്യുകയും ചെയ്തിരുന്നതായി എക്സൈസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തില് എക്സൈസ് എന്ഫോഴ്സ്മെന്റ് സ്ക്വാഡാണ് ഇവരെ പിടികൂടിയത്.
കൊല്ലത്തു നിന്നും മറ്റൊരാളില് നിന്നും അഞ്ചു കിലോ കഞ്ചാവും പിടികൂടിയിട്ടുണ്ട്. കൊല്ലം കാവനാട് സ്വദേശി അജിമോനില് നിന്നാണ് കഞ്ചാവ് പിടികൂടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ