ആലപ്പുഴ: സംസ്ഥാനത്ത് വീണ്ടും പക്ഷിപ്പനി സ്ഥിരീകരിച്ചു. ആലപ്പുഴ കൈനകരിയില് അഞ്ഞൂറോളം താറാവുള്പ്പടെയുള്ള പക്ഷികള് ചത്തത് പക്ഷിപ്പനി മൂലമാണെന്ന് കണ്ടെത്തി. ഇവിടെ നിന്ന് ശേഖരിച്ച സാമ്പിളുകള് ഭോപ്പാലിലെ ഹൈ സെക്യൂരിറ്റി അനിമല് ഡിസീസസ് ലബോറട്ടറിയില് പരിശോധിച്ചതിന്റെ അടിസ്ഥാനത്തിലാണ് വൈറസ് രോഗബാധയെന്ന് ഉറപ്പിച്ചത്.
കൈനകരിയില് മാത്രം 700 താറാവ്, 1600 കോഴി എന്നിവയെ നശിപ്പിക്കേണ്ടതുണ്ടെന്നാണ് മൃഗസംരക്ഷണ വകുപ്പ് കണക്കാക്കുന്നത്. കോട്ടയം, ആലപ്പുഴ ജില്ലകളിലാണ് ഈ മാസം ആദ്യം രോഗം സ്ഥിരീകരിച്ചത്. പതിനായിരക്കണക്കിന് പക്ഷികളെയാണ് പ്രദേശത്ത് നിന്നും നശിപ്പിച്ചത്. ആലപ്പുഴയിലെ കുട്ടനാടന് മേഖലയിലും കോട്ടയത്ത് നീണ്ടൂരുമാണ് വൈറസ് രോഗം കണ്ടെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ