എൻജിനിയറിങ്, ആർക്കിടെക്ചർ, ഫാർമസി മൂന്നാംഘട്ട അലോട്ട്മെൻറ് പ്രസിദ്ധീകരിച്ചു; 15ന് മുമ്പ് പ്രവേശനം നേടണം
തിരുവനന്തപുരം: എൻജിനിയറിങ്, ആർക്കിടെക്ചർ, ഫാർമസി കോഴ്സുകളിലേക്ക് മൂന്നാംഘട്ട കേന്ദ്രീകൃത അലോട്ട്മെൻറ് പ്രസിദ്ധീകരിച്ചു. http://www.cee.kerala.gov.in വെബ്സൈറ്റിൽ അലോട്ട്മെൻറ് പട്ടിക ലഭിക്കും. സ്വകാര്യ സ്വാശ്രയ എൻജിനീയറിങ്/ആർക്കിടെക്ചർ/ഫാർമസി കോളജുകളിലേക്ക് പ്രവേശന പരീക്ഷ കമീഷണർ നടത്തുന്ന അവസാന അലോട്ട്മെൻറ് ആയിരിക്കും ഇത്.
അലോട്ട്മെൻറ് ലഭിച്ചവർ 15ന് വൈകീട്ട് നാലിന് മുമ്പ് കോളജിൽ പ്രവേശനം നേടണം. ഫീസ് ബാധകമായിട്ടുള്ളവർ 15ന് വൈകീട്ട് നാലിനകം ഓൺലൈൻ പേയ്മെൻറായോ കേരളത്തിലെ ഏതെങ്കിലും ഹെഡ് പോസ്റ്റ് ഓഫിസ് മുഖാന്തരമോ ഒടുക്കിയശേഷമായിരിക്കണം പ്രവേശനം നേടേണ്ടത്. അലോട്ട്മെൻറ് വിവരങ്ങൾ വിദ്യാർഥികളുടെ ഹോം പേജിൽ ലഭ്യമാണ്.
ഹോം പേജിലെ 'Data Sheet' മെനുവിൽ ക്ലിക്ക് ചെയ്ത് ഡാറ്റ ഷീറ്റ് ഡൗൺലോഡ് ചെയ്ത് പ്രിന്റൗട്ട് എടുക്കണം. പ്രവേശനം നേടുന്ന സമയം ഡാറ്റാ ഷീറ്റും അലോട്ട്മെൻറ് മെമ്മോയും മറ്റ് രേഖകളും സഹിതം കോളജ് അധികാരികൾക്ക് മുന്നിൽ ഹാജരാകണം. പ്രവേശനം നേടേണ്ട തീയതിയും സമയവും ഉൾപ്പെടുത്തിക്കൊണ്ടുള്ള വിശദമായ ഷെഡ്യൂൾ വെബ്സൈറ്റിൽ ലഭിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ