കോഴിക്കോട്: ഇലക്ട്രിക് സ്കൂട്ടറിൽ ലോറിയിടിച്ച് 15 വയസ്സുകാരിക്ക് ദാരുണാന്ത്യം. കോഴിക്കോട് കൂത്താളിയിൽ സത്യൻ കടിയങ്ങാടിൻറെ മകൾ അഹല്യ കൃഷ്ണ ആണ് മരിച്ചത്. പേരാമ്പ്ര സെൻറ് ഫ്രാൻസിസ് സ്കൂൾ പത്താം ക്ലാസ് വിദ്യാർത്ഥിനിയാണ് അഹല്യ.
പേരാമ്പ്ര -കുറ്റ്യാടി റോഡിൽ അഹല്യ സഞ്ചരിച്ച സ്കൂട്ടറിൽ ലോറിയിടിച്ചാണ് അപകടം. പേരാമ്പ്ര ഭാഗത്ത് നിന്നും കുറ്റ്യാടി ഭാഗത്തേക്ക് പോകുകയായിരുന്നു അഹല്യയെ പിന്നാലെ വന്ന ലോറി ഇടിക്കുകയായിരുന്നെന്ന് പൊലീസ് പറഞ്ഞു. എതിർദിശയിൽനിന്നുള്ള വാഹനത്തിന് കടന്നുപോകാനായി അരികിലൊതുക്കിയപ്പോഴാണ് അപകടമുണ്ടായത്. രാവിലെ പതിനൊന്നരയോടെയാണ് സംഭവം.
കെ പി സി സി സെക്രട്ടറിയാണ് അഹല്യയുടെ അച്ഛൻ സത്യൻ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
