തിരുവനന്തപുരം: സംസ്ഥാനത്ത് 44 പേർക്ക് കൂടി ഒമൈക്രോൺ കോവിഡ് വകഭേദം സ്ഥിരീകരിച്ചതായി ആരോഗ്യമന്ത്രി വീണാ ജോർജ്. അതിവേഗം പടരുന്ന വകഭേദമായതിനാൽ അതീവ്ര ജാഗ്രത വേണമെന്നും മന്ത്രി മുന്നറിയിപ്പ് നൽകി. ഹൈ റിസ്ക് രാജ്യങ്ങളില് നിന്നെത്തിയ 10 പേര്ക്കും ലോ റിസ്ക് രാജ്യങ്ങളില് നിന്നെത്തിയ 27 പേർക്കും സമ്പർക്കത്തിലൂടെ ഏഴ് പേര്ക്കുമാണ് ഇന്ന് രോഗം സ്ഥിരീകരിച്ചത്. കൊല്ലം 4, കോട്ടയം 2, തിരുവനന്തപുരം 1 എന്നിങ്ങനെയാണ് സമ്പര്ക്കത്തിലൂടെയുള്ള രോഗബാധ.
എറണാകുളം 12, കൊല്ലം 10, തിരുവനന്തപുരം 8, തൃശൂര് 4, കോട്ടയം, പാലക്കാട്, മലപ്പുറം, കണ്ണൂര് ജില്ലകളിൽ രണ്ട് വീതവും ആലപ്പുഴയിലും ഇടുക്കിയിലും ഒന്ന് വീതവുമാണ് പുതിയ രോഗികൾ. എറണാകുളത്ത് 4 പേര് യുഎഇയില് നിന്നും, 3 പേര് യുകെയില് നിന്നും, 2 പേര് ഖത്തറില് നിന്നും, ഒരാള് വീതം സൗത്ത് ആഫ്രിക്ക, ഇസ്രേയല്, മാള്ട്ട എന്നിവിടങ്ങളില് നിന്നുമെത്തിയതാണ്.
കൊല്ലത്ത് 5 പേര് യുഎഇയില് നിന്നും, ഒരാള് ഈസ്റ്റ് ആഫ്രിക്കയില് നിന്നും വന്നതാണ്. തിരുവനന്തപുരത്ത് 6 പേര് യുഎഇയില് നിന്നും, ഒരാള് ഖത്തറില് നിന്നും വന്നതാണ്. തൃശൂരില് 3 പേര് യുഎഇയില് നിന്നും ഒരാള് യുകെയില് നിന്നും വന്നു. പാലക്കാട് നൈജീരിയ, യുഎഇ എന്നിവിടങ്ങളില് നിന്നും മലപ്പുറത്ത് യുകെ, സ്പെയിന് എന്നിവിടങ്ങളില് നിന്നും, കണ്ണൂരില് സ്വീഡന്, യുഎഇ എന്നിവിടങ്ങളില് നിന്നും, ആലപ്പുഴയില് ഇറ്റലിയില് നിന്നും, ഇടുക്കിയില് സ്വീഡനില് നിന്നും വന്നതാണ്.
ഇതോടെ സംസ്ഥാനത്ത് രോഗം ബാധിച്ചവരുടെ എണ്ണം 107 ആയി. എറണാകുളം 37, തിരുവനന്തപുരം 26, കൊല്ലം 11, തൃശൂര് 9, പത്തനംതിട്ട 5, ആലപ്പുഴ 5, കണ്ണൂര് 4, കോട്ടയം 3, മലപ്പുറം 3, പാലക്കാട് 2, കോഴിക്കോട് 1, ഇടുക്കി 1 എന്നിങ്ങനെയാണ് ജില്ല തിരിച്ചുള്ള കണക്കുകൾ.
ആകെ രോഗികളിൽ ഹൈ റിസ്ക് രാജ്യങ്ങളില് നിന്നെത്തിയത് 41 പേരും ലോ റിസ്ക് രാജ്യങ്ങളില് നിന്നെത്തിയത് 52 പേരുമാണ്. ഇതുവരെ 14 പേർക്കാണ് സമ്പര്ക്കത്തിലൂടെ രോഗബാധ. യുഎഇയില് നിന്നും വന്നവര്ക്കാണ് ഏറ്റവും കൂടുതല് ഒമൈക്രോണ് സ്ഥിരീകരിച്ചത്. 29 പേരാണ് യുഎഇയില് നിന്നുമെത്തിയത്. യുകെയില് നിന്നുമെത്തിയ 23 പേര്ക്കും ഒമൈക്രോണ് ബാധിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ