തൃശൂര്‍: റോഡരികില്‍ കിടന്നിരുന്ന തള്ളപ്പട്ടിയുടെയും പട്ടിക്കുട്ടിയുടെയും ദേഹത്തേക്ക് വാഹനം ഓടിച്ചുകയറ്റി. കഴിഞ്ഞ വ്യാഴാഴ്ചയാണ് ക്രൂരത അരങ്ങേറിയത്. മൃഗസ്‌നേഹികളുടെ സംഘടനയായ പോസ് നല്‍കിയ പരാതിയില്‍ വാഹനം പൊലീസ് കസ്റ്റഡിയില്‍ എടുത്തു.
വാഹനം കയറിയിറങ്ങി അഞ്ചുമാസം പ്രായമുള്ള പട്ടിക്കുട്ടിയുടെ നട്ടെല്ല് തകര്‍ന്നു. അമ്മപ്പട്ടിയുടെ കാലിന് പരിക്കേറ്റു. കാനാട്ടുകര സ്വദേശിയുടെ കാറാണ് പൊലീസ് കസ്റ്റഡിയില്‍ എടുത്തത്.
റോഡരികില്‍ കിടന്ന തള്ളപ്പട്ടിയുടെ ദേഹത്തേക്കാണ് ആദ്യം വണ്ടി ഓടിച്ചുകയറ്റിയത്. പിന്നീടാണ് കുഞ്ഞിന്റെ ശരീരത്തിലും വണ്ടി കയറ്റുകയായിരുന്നു. ദൃക്‌സാക്ഷിയായ കാനാട്ടുകര സ്വദേശി അഭിരാജാണ് പോസ് അധികൃതരെ അറിയിച്ചത്. അഭിരാജാണ് രണ്ടു പട്ടികളെയും ഇപ്പോള്‍ സംരക്ഷിക്കുന്നത്.
ചികിത്സച്ചെലവുകള്‍ മുഴുവന്‍ ഏറ്റെടുത്തിട്ടുണ്ടെന്ന് പോസ് പ്രവര്‍ത്തകര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
