വീടിനകത്തും പുറത്തും വസ്തുക്കള്‍ക്ക് തീ പിടിക്കുന്നു; നാട്ടുകാരെ പരിഭ്രാന്തിയിലാക്കി അത്ഭുത പ്രതിഭാസം

നാ​ദാ​പു​രം: വീ​ടി​ന​ക​ത്തും പു​റ​ത്തും വ​സ്തു​ക്ക​ൾ​ക്ക് തീ ​പി​ടി​ക്കു​ന്ന​ത് വീ​ട്ടു​കാ​രേ​യും നാ​ട്ടു​കാ​രേ​യും പ​രി​ഭ്രാ​ന്തി​യി​ലാ​ക്കുന്നു. ക​ട​മേ​രി​ക്ക​ടു​ത്ത കീ​രി​യ​ങ്ങാ​ടി ടൗ​ണി​ലെ കാ​ളാം വീ​ട്ടി​ൽ മൊ​യ്തു​വി​ൻറെ വീ​ട്ടി​ലാ​ണ് ഏവരേയും ആശങ്കയിലാക്കിയ പ്ര​തി​ഭാ​സം. 

ചൊ​വ്വാ​ഴ്ച്ച ഉ​ച്ച​യോ​ടെ​യാ​ണ് വീടിന്റെ ഉള്ളിലും പുറത്തുമായി വിവിധ ഇടങ്ങളിൽ തീ ​പ​ട​ർ​ന്ന​ത് വീട്ടുകാർ ശ്രദ്ധിച്ചത്. വീ​ടി​ന് പി​ൻ​വ​ശ​ത്തെ പ​റ​മ്പി​ലെ കു​ല​ക്കാ​റാ​യ വാ​ഴ​ പെട്ടെന്ന് തീ പിടിച്ച് ക​ത്തി ന​ശി​ച്ച​താണ് ആദ്യം ഇവരുടെ ശ്രദ്ധയിൽ ഉടക്കിയത്. പിന്നാലെ വൈ​കു​ന്നേ​ര​ത്തോ​ടെ വീ​ടി​ൻറെ മ​റ്റൊ​രു വ​ശ​ത്തെ പ​റ​മ്പി​ലെ വാ​ഴ​യി​ലും തീ ​പിടിച്ചു. 

പിറ്റേന്ന് ബു​ധ​നാ​ഴ്ച രാ​വി​ലെ ഒ​മ്പ​തി​ന് വീ​ടി​ന​ക​ത്ത് മൊ​യ്തു നി​സ്‌​കാ​ര സ​മ​യ​ത്ത് ഉ​പ​യോ​ഗി​ച്ചി​രു​ന്ന ഷാ​ളും വീ​ടി​ൻറെ മു​ക​ൾ നി​ല​യി​ൽ സൂ​ക്ഷി​ച്ച ഷൂ​സും ക​ത്തി ന​ശി​ച്ചു. വീ​ടി​ൻറെ മു​റ്റ​ത്ത് ചു​രു​ട്ടി​യി​ട്ടി​രു​ന്ന പ്ലാ​സ്റ്റി​ക്ക് പൈ​പ്പി​നും തീ ​പ​ട​ർ​ന്നു. പൈ​പ്പി​ൻറെ പ​ല ഭാ​ഗ​ങ്ങ​ളും അ​ഗ്നി​ബാ​ധ​യേ​റ്റ് ക​ത്തി ഉ​രു​കി​യ നി​ല​യി​ലാ​ണ്.

വീ​ട്ടു​കാ​ർ സംഭവം അറിയിച്ചതിനെ തു​ട​ർ​ന്ന് പ​ഞ്ചാ​യ​ത്ത് അ​ധി​കൃ​ത​ർ സ്ഥലത്തെത്തി പരിശോധന നടത്തി. ജി​യോ​ള​ജി വ​കു​പ്പ് അ​ധി​കൃ​ത​രും സ്ഥ​ല​ത്തെ​ത്തി. കൂ​ടു​ത​ൽ പ​രി​ശോ​ധ​ന ന​ട​ത്തി​യാ​ൽ മാ​ത്ര​മേ കാ​ര​ണം അ​റി​യാ​നാ​കൂ എ​ന്ന് ജി​യോ​ള​ജി അ​ധി​കൃ​ത​ർ പ​റ​ഞ്ഞ​താ​യി വീ​ട്ടു​കാ​ർ പ​റ​ഞ്ഞു.